Polisi iwakamate waliomuua Barlow
Ili Jeshi la Polisi liweze kujijengea hesima katika jamii, lioneshe makali yake katika kushughulikia mtandao wa mauaji ya RPC Liberatus Barlow, kufuatia maelezo yaliyotolewa na Malele.
Boniface Nyerere, Dar
Maofisa Maliasili ndiyo wavuvi haramu
Nimelalamika kwa Wizara ya Maendeleo ya Mifugo na Uvuvi kuhusu uvuvi haramu ukiwamo wa kutumia sumu katika Ziwa Victoria unaofanywa na baadhi ya maofisa wa Maliasili mkoani Mwanza, lakini sijajibiwa!
Msimamizi rasilimali Ziwa Victoria
Msiifanye Kyerwa shamba la bibi
Chonde chonde madiwani wa Halmshauri mpya ya Kyerwa, tujiepushe na matatizo ya ukabila, ukanda, ufisadi na ubabe.
Msiifanye Kyerwa shamba la bibi, leteni maendeleo kwa wananchi tuko nyuma yenu, hii ni Kyerwa sio Karagwe tena.
Mpenzi wa JAMHURI, Kyerwa
Ninawakosoa wabunge wa CHADEMA
CHADEMA inaweka changamoto sana bungeni, lakini inakera pale baadhi ya wabunge wake wanapokosa nidhamu kupindukia. Wapunguze jazba.
Mkereketwa wa ustaarabu, Pwani
Mbunge Musoma Vijijini unazijua kero hizi?
Wanakijiji wa Sirori Simba wamenyang’anywa ardhi ya Kiryenyi, wamekosa pa kulima, watakufa kwa njaa. Vituo vya afya havina dawa na miundombinu ni mibovu. Je, mbunge wetu unayajua haya.
Marwa Martin, Musoma Vijijini
RPC Mkoa Kusini mwondoe trafiki huyu
RPC Mkoa wa Kusini tunakuomba umwondoe Mkuu wa Trafiki Wilaya ya Kati, analichafua Jeshi la Polisi kwa kuendekeza tabia ya kuomba rushwa kutoka kwa watuhumiwa wa ukiukaji sheria za usalama barabarani.
Mdau wa Jamhuri – Machui, Zanzibar
Polisi Loliondo uozo mtupu
Jeshi la Polisi Loliondo ni uozo mtupu, baadhi ya askari wamegeuka kuwa majambazi. Bunduki za Serikali zinatumika katika matukio ya uhalifu usiku na kurudishwa asubuhi. Tunaomba IGP Said Mwema awamulike.
Mkereketwa, Liliondo
Waziri wa Elimu ajiuzuru
Sakata la kufutwa kwa matokeo ya kidato cha nne 2012, Serikali ikubali kufanya kosa lililosababisha wanafunzi wengi kufeli mtahani huo, hivyo waziri mwenye dhama ajiuzulu, sio kulitupia lawama Baraza la MItihani Tanzania.
Mzazi, Lindi
Siungi mkono TV kwenye magari
Fuatilieni tangazo kuhusu TV kwenye magari. Hivi magari yanapohalalishiwa kuwa na TV, madereva watazingatia sheria za usalama barabarani?
Kauga, Tabora
Jamhuri