Siasa

Katibu Mkuu wa Chama Cha Mapinduzi Ndugu Daniel Chongolo, Mwenyekiti wa CCM Mkoa wa Iringa Ndugu Daud Yasin (kulia) na Mbunge wa Jimbo la Mufindi Kusini (CCM), David Mwakiposa Kihenzile pamoja na Viongozi na wanachama wengine wakitembea kwa miguu kuelekea Nyololo kuhudhuria kikao cha shina namba 27, ikiwa ni muendelezo wa ziara yake ya siku 7 mkoani Iringa .

Katibu Mkuu ameongozana na Wajumbe wa Sekretarieti ya Halmashauri Kuu ya CCM Taifa, Katibu wa NEC Oganaizesheni Ndugu Issa Haji Ussi Gavu na Katibu wa NEC Itikadi na Uenezi Sophia Mjema.

Katibu Mkuu wa Chama Cha Mapinduzi Ndugu Daniel Chongolo akiteta jambo na Katibu wa NEC Oganaizeshi Ndugu Issa Haji Ussi Gavu (kulia) wakati wa kikao cha nje na wakazi wa kata ya Ikongosi, Mufindi mkoani Iringa.

Sehemu ya Wakazi wa Ikongosi  waliojitokeza kwenye kikao cha nje ambapo Mgeni Rasmi alikuwa Katibu Kuu wa Chama Cha Mapinduzi Ndugu Daniel Chongolo.

Na Dotto Kwilasa, JamhuriMedia, Dodoma

Umoja wa Vijana wa Chama Cha Mapinduzi (UVCCM) umezielekeza Benki na taasisi nyingine za kifedha Pamoja na sekta binafsi kushirikiana moja kwa moja na Wizara ya kilimo katika kuhakikisha vijana wa kitanzania wanapata mitaji, masoko na teknolojia za kisasa katika kushiriki kilimo biashara.

Agizo hilo limetolewa leo Mei 24,2023 Jijini hapa na Katibu wa Idara ya uhamasishaji na Chipukizi UVCCM Edna Lameck wakati akitoa taarifa ya tathmini ya ziara ya Mwenyekiti wa UVCCM Taifa Mohmed Kawaida katika ziara ya ukaguzi wa mradi wa vijana (BBT).

Aidha imeshauri hamshari zote nchini zinazoshiriki katika sekta ya kilimo kutenga ardhi kwa ajili ya vijana wa BBT na vijana wote nchini na kushikiana na wizara ya kilimo kuandaa mashamba makubwa ya Pamoja ambayo tayari Dk.Samia amepeleka Zaidi ya sh.bilioni 361 kwa ajili ya miundombinu ya umwagiliaji.

Amefafanua kuwa ili jambo hilo liweze kufanikiwa Wizara ya Kilimo inapaswa kushirikiana na Wizara ya Elimu kuanza mchakato wa kuwa na Vyuo Vikuu vya Kilimo vitakavyotoa shahada zitakazoendana na mazingira.

Amesema kuanzishwa kwa vyuo hivyo kutasogeza utaalamu karibu na wakulima na kutimiza ndoto ya Baba wa Taifa Mwalimu Julius Nyerere.

“Mnamo tarehe 17 April 2023 Mwenyekiti wa Jumuiya ya Umoja wa Vijana CCM ndugu Mohamedi Ally Kawaida alifanya ziara ya kukagua utekelezaji wa Ilani ya Chama katika mradi wa vijana na wanawake wa Building Better Tomorrow Youth Initiatives in Agribusiness (BBT) katika vituo atamizi 9 kati ya 13 vilivyo katika mikoa ya Dodoma, Mbeya, Mtwara, Morogoro, Tanga, Kilimanjaro, Arusha, Mwanza, Kagera, Kigoma na Tabora” amesema.

Ameeleza kuwa mradi huo umeteua vijana 812 katika awamu hii ya kwanza ambapo vijana wa kiume ni 530 na wa kike 282, kwa sasa wizara inaendelea na dirisha la pili la vijana watakaoshiriki katika mnyororo wa thamani .

“UVCCM inaona BBT ni program inayolenga kuwezesha na kuongeza Zaidi ushiriki wa vijana na wanawake katika kilimo biashara ili kuwapataia ajira, kuimarisha usalama wa chakula, kuongeza mchango wa sekta ya kilimo katika pato la taifa Pamoja na kuinua hali ya Maisha ya jamii ya watanzania,”amesisitiza.

Mbali na hayo amesema kwa sasa Serikali ina mawajabu ya vijana kushindwa kumiliki ardhi kwa ajili ya kilimo biashara, kukosa ujuzi masoko, mitazamo hasi na utegemezi wa kilimo cha mvua ambacho kwa muda mrefu kimeifanya sekta ya kilimo kuwa mwendo wa kobe.

“Utekelezaji wa lengo la miaka minane ya BBT la kuwa na angalau na biashara moja ya kilimo yenye faida na endelevu inayoongozwa na vijana katika vijiji 12,000 inatarajia kutengeneza ajira Zaidi ya milioni 3 ifikapo 2025/2030,”amesema

Makamu Mwenyekiti wa CCM Zanzibar na Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi akizungumza   katika Mkutano wa Mabalozi na Halmashauri Kuu za CCM Majimbo ,Wilaya na  Mkoa wa Magharibi Kichama  katika ukumbi wa Piccadiliy Kombeni Wilaya Magharibi “B”leo (kulia) Mwenyekiti wa CCM Mkoa wa Magharibi Mhe.Mohamed Rajab Sudi na Mjumbe wa Kamati Kuu ya CCM Taifa Mhe. Leila Burhani Ngozi  .[Picha na Ikulu] 06/05/2023.

Makamo Mwenyekiti wa CCM Zanzibar na Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi(kushoto pichani)alipokuwa akizungumza   katika Mkutano wa Mabalozi na Halmashauri Kuu za CCM Majimbo ,Wilaya na  Mkoa wa Magharibi Kichama  katika ukumbi wa Piccadiliy Kombeni Wilaya Magharibi “B”leo (kulia) Mwenyekiti wa CCM Mkoa wa Magharibi Mhe.Mohamed Rajab Sudi na Mjumbe wa Kamati Kuu ya CCM Taifa Mhe. Leila Burhani Ngozi  .[Picha na Ikulu] 06/05/2023.

Washiriki katika ngazi mbali mbali katika  Mkutano wa Mabalozi na Halmashauri Kuu za CCM Majimbo,Wilaya na  Mkoa wa Magharibi Kichama wakimsikiliza   Makamo Mwenyekiti wa CCM Zanzibar na Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi(hayupo pichani) wakati alipokuwa akizungumzanao  leo katika ukumbi wa Piccadiliy Kombeni Wilaya Magharibi “B”[Picha na Ikulu] 06/05/2023. 

Washiriki katika ngazi mbali mbali katika  Mkutano wa Mabalozi na Halmashauri Kuu za CCM Majimbo,Wilaya na  Mkoa wa Magharibi Kichama wakimsikiliza   Makamo Mwenyekiti wa CCM Zanzibar na Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi(hayupo pichani) wakati alipokuwa akizungumzanao  leo katika ukumbi wa Piccadiliy Kombeni Wilaya Magharibi “B” 

Na Allan Vicent,JamhuriMedia,Tabora

Chama cha ACT-Wazalendo kimeshauri Serikali kutunga sheria ya kilimo na kuweka utaratibu wa kodi kama ilivyo katika sekta ya madini ili kuleta tija na ufanisi ikiwemo kuhimiza kilimo cha umwagiliaji.

Ushauri huo umetolewa na kiongozi wa chama hicho Zuberi Zitto Kabwe alipokuwa akiongea na mamia ya wanachama na wapenzi wa chama hicho juzi katika mkutano wa hadhara uliofanyika kwenye kiwanja cha shule ya msingi Town School mjini Tabora.

Amesema umefika wakati sasa Serikali ikakifanya kilimo kuwa kichocheo kingine kikubwa cha uchumi wa nchi kwa kuweka mikakati na kusimamia kwa dhati utekelezaji mikakati hiyo badala ya kutoa kauli za uhamasishaji tu.

Amesisitiza kuwa kama Serikali inataka kilimo kiwe na tija kubwa kwa wakulima na kuchangia pato la taifa ni haina budi kuachana na kauli mbiu zisizo na tija za kilimo kwanza, kilimo ni uti wa mgongo, uchumi wa kijani, bali itungwe sheria itakayosimamia sekta hiyo kama ilivyo kwenye madini.

Amesema kuwa Serikali inawalaghai wananchi na wakulima kwamba bajeti ya kilimo imeongezeka toka bilioni 202 mwaka 2016-2020 hadi kufikia bilioni 600 mwaka 2021-2023/23 wakati imerejea katika kiwango hicho cha mwaka 2014-2015 bilioni 663.

Zitto amesema kilimo kikisimamiwa ipasavyo kitaleta tija kubwa na kuinua maisha ya wakulima ikiwemo kulifanya taifa kuondokana na umasikini uliokithili na kuongeza kuwa nguvu kubwa ingeelekezwa kuhamasisha kilimo cha umwagiliaji ili kutotegemea msimu wa mvua tu au jembe la mkono.

‘Watu milioni 14 nchini hawana uhakika wa kupata mlo wa uhakika, wengi hawapati milo mitatu,wanaishi maisha ya kubahatisha na wana umaskini uliokithiri wakati ardhi ipo ya kutosha,wataalamu wapo na serikali ipo, tatizo nini,’ amesema.

Kiongozi huyo amesema miaka 5 iliyopita Serikali ilipata faida shilingi mil.848 kupitia zao la tumbaku iliyazalishwa mkoani Tabora pekee, lakini Mkoa huo bado ni miongoni mwa Mikoa 5 yenye umasikini, hapa kuna tatizo.

Amemtaka Waziri wa Kilimo Hussein Bashe kufuatilia kampuni zilizoingia mkataba na vyama vya msingi kununua zao hilo na kuhakikisha wanawalipa wakulima fedha zao na ikishindikana kuwapata serikali iwalipe wakulima haki zao.

Awali Mwenyekiti wa ACT-Wazalendo Taifa Haji Duni amesikitishwa na bei za vyakula kuwa juu sana ambapo hata ukiuza kilo 4 za korosho huwezi kununua hata kilo 1 ya mchele.

Duni ameitaka Serikali kuchukua hatua stahiki ili kuwaondolea kero wananchi kwa kuwa kila mtu anastahili kupata haki sawa na wengine na sio watu wachache wanufaike wakati wengine wanalia.

Aidha ameomba Serikali kuangalia upya suala la uwezeshaji wananchi kiuchumi kwani halmashauri nyingi hazitoi ipasavyo asilimia 10 ya mikopo kwa vijana,wanawake na walemavu kama ilivyoagizwa.

Naye Makamau Mwenyekiti wa ACT Bara Doroth Semu amesema huduma za afya nchini zinatolewa kwa gharama kubwa, wataalamu ni wachache, madawa hayatoshelezi na vitendea kazi havikidhi mahitaji.

Chama cha Ukombozi wa Umma (CHAUMMA) kimewaomba wadau na wanachama wa chama hicho kukichangia chama ili kufanikisha mikutano yake ya hadhara ambayo inatarajiwa kuanza mwishoni mwa mwezi Machi mwaka huu wa 2023.

Tamko hilo limetolewa leo Machi 11, 2023 jijini Dar es Salaam na mwenyekiti taifa wa Chama cha Ukombozi wa Umma (CHAUMMA), Hashim Rungwe Spunda mara baada kikao cha Kamati kuu ya chama hicho.

Rungwe amesema kwa sasa chama hakina pesa za kutosha za kuendesha mikutano yao nchi nzima hivyo wanatarajia kufanya mikutano yao ya awali kwa kuwafuata wananchi katika maeneo yao ya shughuli ikiwemo maeneo ya masoko na stedi za mabasi.

“Tunawaomba wadau,mashabiki na wanachama kukichangia chama kupitia akaunti zetu za CHAUMMA kwani kwa kufanya hivyo kutawezesha kufanikisha kufanya kampeni zetu na kutoa sera za chama na kuainisha mapungufu ya Serikali inayotutawala ambayo inaongozwa na CCM”amesema Hashim Rungwe.

Mbali na hayo kupitia kikao hicho kimewapongeza Rais wa Zanzibar Dkt. Hussein Alli Mwinyi na Rais wa Jamhuri ya muungano wa Tanzania Samia Suluhu Hassan kwa kutekeleza majukumu yao ipasavyo huku wakitumia nafasi hiyo kumtaka Rais Samia kukubali mialiko kutoka vyama vingine vya upinzani.

“Tunampongeza Rais Samia kwa kuhudhuria mkutano wa baraza la Wanawake wa Chama cha Chadema (BAWACHA) kwani ni kitendo cha kihistoria ambacho hakijawahi kufanywa hapa nchini na ni kitendo cha ujasiri na cha kidemokrasia na ingependeza kama Rais Samia angevitembelea na vyama vingine”alisema Hashim Rungwe

Kwa upande wake Makamo Mwenyekiti Zanzibar Mohammed Masoud Rashid amewataka wanawake kujitokeza kwa wingi kujiunga na CHAUMMA na kugombea nafasi mbali mbali za uongozi huku akisisitiza kuwa chama hicho kinatoa fursa za kutosha kwa wanawake.

Kikao hicho cha CHAUMMA ni cha kwanza kufanyika tangu kuondolewa kwa katazo la mikutano ya hadhara huku kikiwa na lengo la kujadili hali ya Kisiasa nchini,Suala la Katiba mpya, Kujadili miaka miwili ya utawala wa Rais Samia,Mikutano ya hadhara na mipango mikakati ya chama cha ukombozi wa Umma (CHAUMMA).