Michezo

Na Tatu Saad,JAMHURI MEDIA

Matajiri kutoka Chamazi, Azam FC wameanza kujitafakari ili kufanya vizuri katika michezo ya ligi kuu iliyosalia msimu huu wa 2022/23, baada ya kuchemsha kwenye baadhi ya michezo waliyocheza hadi sasa.

Akizungumza kocha msaidizi wa Azam FC,Kally Ongala amesema hatua ambayo timu hiyo imefikia imebidi benchi la ufundi pamoja na wachezaji wajitathmini iki kufanya vizuri katika michezo iliyosaliamsimu huu 2022/23.

Ongala amesema kitendo cha kutokuwa na matokeo mazuri kiliwavuruga wachezaji kisaikolojia lakini wamekaa nao chini na kuwaweka sawa na ana imani watakuwa na matokeo mazuri katika michezo iliyosalia.

Tumejitafakari, tumeongea na wachezaji wetu na kikubwa tumewaambia wanatakiwa kupambana kwa kila ambaye anapata nafasi ya kucheza,” amesema Ongala na kuongeza;
“Wachezaji wanatakiwa kujitafakari lakini na sisi Benchi la Ufundi tufanye hivyo lengo likiwa ni kurudi katika hali yetu ya kawaida katika mechi zilizosalia.”

Azam FC inashika nafasi ya nne katika msimamo wa Ligi Kuu Tanzania Bara ikiwa na alama 47 baada ya kucheza michezo 25 huku mwanzoni mwa msimu ilianza vizuri na kuonyesha inaleta ushindani katika Ligi hiyo.

Na Tatu Saad,JAMHURI MEDIA

Shirikisho la Soka Zanzibar ‘ZFF’ limewaonya Wachezaji wa Klabu za Ligi Kuu visiwani humo ‘PBZ Premier League’ pamoja na Ligi Daraja la kwanza Kanda ya Unguja na Pemba, kutojihusisha na kucheza Michuano ya Mitaani (NDONDO Cup) kwa kipindi chote cha Mapumziko ya Mwezi mtukufu wa Ramadhan.

Kwa mujibu wa taarifa iliyotolewa na Idara ya Habari na mawasiliano ya ZFF leo Ijumaa ya Machi 24 imeeleza kuwa hatua kali zitachukuliwa kwa mchezaji yeyote wa ligi hizo atakayebainika kucheza michuano isiyo rasmi kwa mujibu wa kanuni ya mashindano 2022/23.

“ZFF inawaomba Waanzilishi wa Ndondo Cup katika kipindi hichi cha Ramadhan kufuata Miongozo yote ya kanuni ya Mashindano na kutowahusisha Wachezaji wa Ligi kuu na Daraja la kwanza kwenye michuano yao hiyo.”imesema taarifa hiyo

Aidha ZFF imewataka waanzilishi wa Ndondo Cup kufuata miongozo yote ya kanuni ya mashindano ba kutowahusisha wachezaji wa ligi kuu na Daraja la Kwanza kwenye michuano hiyo kwa kipindi hichi cha Ramadhan.

Shirikisho la Soka visiwani Zanzibar ‘ZFF’ limetangaza kusimamisha Ligi zote ili kupisha ibada ya mfungo wa mwezi mtukufu wa Ramadhana, ambayo rasmi ilianza jana Alhamis (Machi 23, 2023).

Na Tatu Saad,JAMHURI MEDIA

Nyota Dario Frederico kutoka klabu ya Singida Big Stars ameongezewa muda wa likizo na timu yake hiyo baada ya kupewa likizo ya mwezi mmoja kwa akili ya matibabu nchini Brazil na ripoti ya daktari ikionesha amepona kwa asilimia 90.

Klabu imemuongezea nyota wake huyo muda ili aweze kuwa timamu kwa asilimia 100 na apate muda wa kutosha kupumzika.

kutokana na kuongezewa muda wa likizo klabu imeeleza kuwa Frederico atarejea na kujiunga na kikosi hicho wakati wa maandalizi ya ligi kuu msimu ujao (Pre-season) 2023/24 huko nchini Tunisia.

Dario Frederico alisema alirejea Brazil kwa ajili ya mambo ya kifamilia huku akiwatoa hofu mashabiki zake atarejea muda sio mrefu kuendelea na majukumu kama kawaida.

Dario Frederico alikuwa mchezaji watatu kuondoka Singida Big Stars akitanguliwa na mwenzake, Peterson Cruz na Muargentina, Miguel Escobar ingawaje wawili hao hawakuweza kurudi tena nchini kwani walipata timu nyingine.

Tatu Saad, JAMHURI MEDIA

Klabu ya Geita Gold imetangaza nia ya kushiriki katika michuano ya Kimataifa msimu wa 2023/24 kwa ubora mkubwa zaidi kwa kuweka mikakati mbalimbali itakayowasaidia katika kufikia malengo hayo.

Katibu mtendaji wa Geita Gold, Simon Shija amesema wamedhamiria kuona wakirejea katika michuano hiyo ya Kimataifa baada ya kujifunza mambo mengi kutoka kwa klabu ya Simba na Yanga ambazo zinashiriki michuano hiyo mpaka sasa.

“Kuna mambo mengi tumejifunza na kutambua wapi tulipokosea mwanzoni mwa msimu huu tuliposhiriki Michuano ya Kombe la Shirikisho, tunaamini tukirudi tena tutakuwa imara zaidi.” Amesema Shija.

Amesema kinachowasaidia Yanga na Simba kufanya vizuri katika michuano hiyo ni uzoefu waliokuwa nao katika michuano hiyo na uwekezaji mkubwa unanifanyia na klabu hizo.

Kingine kinachowasaidia Simba na Yanga ni usajili mzuri wa wachezaji na kuwalipa mishahara kwa wakati, bonsai na kuweza kumudu gharama wa apokee mda kuweka kambi popote hali ambayo unaleta hamasa kwa wachezaji kufanya vizuri.

“Klabu za Simba SC na Young Africans zinasajili, kulipa mishahara mizuri kwa wakati, bonasi na kuweka kambi sehemu yoyote, hivyo inaleta motivation kwa wachezaji kufanya vizuri, kwetu klabu ndogo hili linatupa hamasa kubwa,” amesema Shija.

Shija amesema wamejipanga vizuri ili kuhakikisha wanamaliza ligi kuu ya Tanzania wakiwa nafasi nne za juu ili waweze kuwa sehemu ya timu zitakazoshiriki tena michuano ya Kimataifa msimu ujao.

“Sisi kama timu tutapambana tusitoke kwenye nafasi tuliyopo, pili kupambana kwa nguvu zote kupigania nafasi nne za juu japokuwa waliopo juu yetu wanatuzidi alama nyingi.

“Tumejipanga kuhakikisha tunamaliza katika nafasi nne za juu ili tuwe sehemu ya timu zitakazowakilisha nchi kimataifa msimu ujao, kama tutafanikisha hili, itakuwa ni mara yetu ya pili mfululizo.”amesema Shija

Geita Gold FC kwa mara ya kwanza ilishiriki Michuano ya Kombe la Shirikisho Barani Afrika msimu huu 2022/23, na kuondolewa katika hatua ya awali kwa faida ya bao la ugenini dhidi ya Hilal Alsahil ya Sudan, ikipoteza ugenini 1-0 na kupata ushindi wa 2-1 nyumbani Tanzania.

Na Tatu Saad, JAMHURI MEDIA

Kikosi cha Ihefu FC kimeanza rasmi mazoezi ya kujifua chini ya benchi la ufundi la timu hiyo, kuelekea mchezo wa Robo Fainali kombe la shirikisho Tanzania Bara ‘ASFC’ dhidi ya Simba SC utakaopigwa jijini Da Es Salaam.

Ihefu imerudi kambini na kuanza mazoezi hayo baada ya mapumziko kwa kujiandaa na michezo hiyo miwili itakayopigwa ndani ya mwezi mmoja (April) ambapo yote kwao ni michezo muhimu.

Kocha msaidizi wa Ihefu FC, Zuberi Katwila amesema wanahitaji kujiandaa mapema kutokana na ukubwa na ubora wa mpinzani wao Simba SC kwani wamekuwa na wakati mzuri katika michezo yao ya Kimataifa Ligi Ya Mabingwa wanayoshiriki.

“Tuna dakika 180 ngumu tunahitaji kujiandaa mapema kwa kujiweka fiti kutokana na kukutana na wapinzani ambao wamepata wakati mzuri wa kucheza michezo mingi mfululizo katika mashindano ya Ligi ya Mabingwa wanayoshiriki na sisi tulikuwa na mapumziko kupisha michezo miwili ya timu ya taifa.” amesema Katwila.

Amesema katika timu yao ni wachezaji wachache walioitwa kwenye vikosi vya timu za taifa hivyo wanakikosi chakutosha kwa asilimia kubwa hivyo wanajitahidi kujiandaa vizuri ili muda ukifika timu iwe bora sana.

“Kwa asilimia kubwa kikosi kipo ni wachezaji wachache walioitwa timu za taifa hivyo tutaendelea kujiweka fiti ili muda ukifika timu inakuwa bora”, amesema Katwila

Amesema moja ya maandalizi wanayofanya ni kuwandaa wachezaji kisaikolojia na kuhakikisha wanatumia kila nafasi watakayotengeneza ili kuweza kujiweka katika nafasi nzuri.

“ Tunawandaa wachezaji kisaikolojia kuhakikisha wanatumia kila nafasi watakayotengeneza ili kuweza kujiweka nafasi nzuri,” amesema Katwila.

Katwila amesema kikosi kimeimarika baada ya wachezaji kuingia kwenye mfumo na wameanza kuona utofauti na malengo yao yanaenda kutimia kutoka kuwa kwenye presha ya kushuka daraja na sasa kuwania tano bora kwenye msimamo.

Amesema ubora uliopo kwenye kikosi chao hawataki kuona unaanza kupotea kutokana na kutokukaa pamoja kwa muda mrefu ndio maana wamewarudisha wachezaji haraka kambini ili kuendelea kuwaweka kwenye hali ya ushindani

Na Tatu Saad,JAMHURI MEDIA

Baada ya kelele nyingi kutoka kwa baadhi ya wapenzi wa soka nchini baada ya mabeki wawili wa klabu ya Simba SC Mohammed Hussein na Shomari Kapombe kutoitwa katika kikosi cha timu ya Taifa, shirikisho la soka nchini Tanzania limetoa ufafanuzi katika hilo.
Ameeleza katibu mkuu wa TFF, Wilfred Kidao kuwa shirikisho halina mamlaka yoyote ya kutengua au kupingana na maamuzi ya benchi la ufundi la Taifa Stars, hivyo wanayaheshimu maamuzi yoyote yanayotolewa na kocha Adel Amrouche.

“Mwalimu ndiye aliyepewa mamlaka ya kuchagua kikosi cha Taifa Stars kwa Asilimia Mia. Hili ni jambo lake.Niliona mitandaoni watu wakilalamika na kuhoji. Mwalimu alikuwa anafanya kazi yake muda tu, ndiyo maana mliona tukachelewa kumtangaza. Hii ni timu ya watu wote” amesema Kidao.

Vilevile Kidao ameeleza TFF itamsaidia mwalimu kwenye mambo ya kiutawala lakini sio kumuingilia kwenye majukumu yake kwani kila mtu ana majukumu yake, hata hivyo kocha hawezi kumuacha mchezaji moja kwa moja.

“Mwalimu hawezi kumuacha mchezaji moja kwa moja. Kazi yetu TFF kumsaidia mwalimu katika mambo ya kiutawala. TFF hatuwezi kumuingilia mwalimu. Kila mmoja anafanya katika majukumu yake ya kila siku. Mimi ni kocha pia, siwezi kukubali kuingiliwa na watu, hivyo hata mimi siwezi kuona mwalimu anaingiliwa.” Amesema Katibu Mkuu wa TFF.

Tanzania inatafuta tiketi ya kucheza AFCON 2023 baada ya kushiriki Fainali hizo mara mbili mwaka 980 ilipata nafasi kwa mara ya kwanza katika fainali zilizofanyika nchini Nigeria huku 2019 ikicheza mashindano hayo nchini Misri.

Taifa Stars itacheza mchezo wa mzunguuko watatu wa Kundi F dhidi ya Uganda kesho Ijumaa (Machi 24) katika Uwanja wa Suez Canal mjini Ismailia-Misri, kabla ya timu hizo kucheza mchezo wa Mzunguuko wanne Uwanja wa Benjamin Mkapa jijini Dar es salaam Machi 28.