Michezo

Na Mwandishi Wetu

Katibu Mkuu wa Wizara ya Utamaduni, Sanaa na Michezo Saidi Yakubu, ameipongeza Klabu ya JKT Tanzania kwa kurejea kucheza Ligu Kuu Soka Tanzania Bara msimu mwaka 2023/2024 baada ya kumaliza vinara katika ligi Championship msimu 2022/2023.

Yakubu ametoa pongezi hizo Mei 14, 2023 katika hafla ya kukabidhi kombe kwa mabingwa hao, mara baada ya kushuhudia mchezo maalum kati ya JKT Tanzania dhidi ya Transit Camp uliochezwa katika Uwanja wa Uhuru Jijini Dar es Salaam na JKT mchezo ambao ulimalizika kwa sare ya magoli 2-2.

“Kwanza leo nimefurahi sana kuona mchezo mzuri, mkali, wa kuvutia ambao umeisha kwa sare ya 2-2 baina ya JKT na Transit Camp na ni mchezo lengo la mchezo huu ni kukabidhi kikombe kwa mabingwa wa ligi daraja la kwanza JKT. Tunawashukuru sana Jeshi kwa kujali michezo na nitoe wito kwa vyombo vingine vya ulinzi waungane na jeshi ili tuendelee kuinua sekta hii ya michezo nchini,”amesema Yakubu.

Aidha, Yakubu ameipongeza Bodi ya Ligi pamoja na Shirikisho la Mpira wa Miguu Tanzania (TFF) kwa juhudi wanazofanya kuipandisha thamani Ligi ya Tanzania, jambo ambalo limewavutia wachezaji wengi wa kigeni kuja kucheza soka la kulipwa nchini.

“Niwapongeze sana bodi ya ligi pamoja TFF kwa kijihada walizozifanya na kuipandisha thamani ligi yetu, na nimekuwa nikizungumza na baadhi ya viongozi wa vilabu hapa nchini, wanakiri kabisa ligi yetu inawavutia wachezaji wengi wa kigeni kuja kucheza soka la kulipwa hapa nchini,”amesema Yakubu.

Na Mwandishi Wetu, Dodoma

Waziri Mkuu wa Jamhuri ya Muungano wa Tanzania Kassim Majaliwa ameungana na Watanzania kuipongeza klabu ya Yanga kwa hatua ya nusu fainali waliyofikia katika mashindano ya kombe la Shirikisho Barani Afrika (CAF).

Waziri Mkuu Majaliwa amesema hayo Mei 11, 2023 Bungeni jijini Dodoma ikiwa ni utaratibu aliojiwekea katika mikutano ya Bunge kila siku ya Alhamisi kupata wasaa wa kujibu maswali ya Wabunge ya papo kwa papo ili kutoa ufafanuzi wa masuala mbalimbali.

“Hakika Dar Young Afrika inaendelea kupeperusha vyema bendera ya Tanzania, na niwapongeze sana kwa matokeo ya jana, tunawaombea kwa mchezo wa marudiano kule Afrika Kusini mshinde kwa magoli mengi” amesema Waziri Mkuu.

Waziri Mkuu Majaliwa amesisitiza kuwa Watanzania wanahamu ya kuona Tanzania inaingia kwenye mashindano hayo ya CAF kwenye ngazi ya fainali.

Aidha, Waziri Mkuu ameipongeza timu ya Simba kwa hatua iliyofika ambapo amesema anaamini wamejifunza kutoka kwa klabu jirani na hatua waliyofika huku akiamini msimu ujao vilabu viwili au zaidi vifanye vizuri zaidi.

Katika msimu wa 2022/2023 timu za Tanzania za Yanga na Simba zimefanya vizuri kwenye mashindano ya Afrika kwa timu ya Yanga hadi sasa ipo hatua ya nusu fainali Kombe la Shirikisho Barani Africa (CAF) na timu ya Simba ikifikia hatua ya robo fainali ya kombe la Klabu Bingwa Afrika.

Azam FC imewaua kiume Simba 2-1 kwenye mchezo wa hatua ya nusu fainali Kombe la Azam Sports Federation mchezo uliochezwa Uwanja wa Nangwada Sijaona.

Ni Lusajo Mwaikenda dakika ya 22 alianza kupachika bao kwa Azam FC kisha usawa ukawekwa na Sadio Kanoute wa Simba dakika ya 27.

Muuaji ni Prince Dube dakika ya 73 akiwa ndani ya 18 alimtungua kipa namba tatu wa Simba, Ally Salim likiwa ni bao la ushindi.

Ngoma imegota mwisho kwa Simba 1 wakiwa hawana matumaini ya kutwaa taji lolote kwa msimu wa 2022/23 huku wachezaji wake wengi wakionekana kutokuwa kwenye mwendo mzuri.

Azam FC inatinga hatua ya fainali inasmubiri mshindi kati ya Singida Big Stars v Yanga mchezo utakaochezwa Uwanja wa Liti.

Timu ya Simba imetolewa na Wydad Casablanca kwenye mchezo wa mkondo wa pili wa hatua ya Robo Fainali ya Ligi ya Mabingwa barani Afrika (CAF CL) kwa mikwaju ya penati 4-3 .

Katika mchezo huo ambao Simba alikuwa na faida ya bao moja mbele, waliingia uwanjani na kikosi kilekile kilichoanza mkondo wa kwanza Jijini Dar es Salaam ambacho kiliwasaidia kuondoka na ushindi wa bao 1-0.

Ukiwa ni mchezo wa kwanza hatua ya robo fainali Kombe la Shirikisho, ushindi unarejeja Tanzania.

Baada ya dakika 90 ubao wa Uwanja wa Godswill Akpabio huko Nigeria umesoma Rivers United 0-2 Yanga.

Timu hiyo inayonolewa na Kocha Mkuu, Nasreddine Nabi ilipata ushindi huo kwa mabao ya nyota Fiston Mayele.

Mayele alipachika mabao hayo kipindi cha pili ilikuwa dakika ya 71 na 82 kweye mchezo huo uliokuwa ni wa kasi mwanzo mwisho.

Bakari Mwamnyeto mzawa ambaye ametoa pasi zote mbili kwenye mchezo wa leo ugenini.

Kete ya pili Yanga watakuwa nyumbani wanahitaji kulinda ushindi huo na kutinga hatua ya nusu fainali ya Kombe la Shirikisho Afrika.