Burudani

Na Mwandishi Wetu,JamhuriMedia, Dar

Tanzania inatarajia kuwa mwenyeji wa mashindano ya dunia ya utanashati, urembo na mtindo (Miss & Mister Deaf) kwa watu wenye matatizo ya kusikia ‘Viziwi’.

Mashindano hayo yanatarajia kufanyika Oktoba 23 hadi 31 mwaka huu katika Ukumbi wa Peacock Hoteli uliopo Mnazi Mmoja Jijini Dar es Salaam.

Mwenyekiti wa Kituo cha Sanaa na Utamaduni kwa Viziwi Tanzania (KISUVITA), Habibu Mrope amesema mashindano hayo yatashirikisha washiriki 200 kutoka nchi mbalimbali.

“Mpaka sasa washiriki 160 wamejiandakisha kushiriki mashindano haya, hapa nchini tunawashiriki sita ambapo wavulana wawili na wasichana wanne,” amesema Mrope.

Aidha ameeleza Tanzania kuchaguliwa kuandaa mashindano hayo kutokana na amani, vivutio vya utalii, ukarimu na ushirikiano mzuri uliopo nchini.

“Tulichaguliwa kuwa mwenyeji wa mashindano kutokana na ukarimu mzuri tuliokuwa nao, pia vivutio vya utalii wetu kama Mlima Kilimanjaro.” amesema.

Mwenyekiti huyo amewataja Miss & Mister Deaf ambao wataiwakilisha Taifa katika mashindano hayo ni Khadija Kanyama, Joyce Denis, Carlyone Mwakasaka, Durath Mwankis, Rajabu Ali na Russo Songoro

Msanii Koffi Olomide maarufu Mopao anatarajia kufanya shoo katika ukumbi wa The Breez Complex ulioko Sabasaba barabara ya kuelekea Kiseke Jijini Mwanza.

Akizungumza na waandishi wa habari jana Mratibu wa shoo ya Koffi Olomide Jijini hapa Victor, amesema msanii huyo anatarajia kufanya shoo yake wiki ijayo.

Amesema kuwa Koffi Olomide atafika Jijini Mwanza akiwa na Bendi yake kwaajili ya kuwapa burudani wakazi wa Mwanza na Mikoa jirani.

Niwaombe sana Wakazi wa Mikoa ya Kanda ya ziwa kujitokeza katika tamasha kubwa la msanii wa dansi ili muweze kushuhudia mambo makubwa anayoyafanya kwa upande wa viingilio tutawajulisha hivi karibuni hivyo kaeni mkao wa kula”,amesema Victor

Kwa upande wake Kiongozi kutoka The Breez Nashoni Msafiri, amesema wanatarajia kupokea ugeni mkubwa wa msanii Kofii Olomide ambae anakuja kutoa burudani kwa Mashabiki wake na wapenzi wa Muziki.

Na Eleuteri Mangi,JamhuriMedia,Burundi

Balozi wa Tanzania nchini Burundi Dkt. Jilly Elibariki Maleko amesema Watanzania wamehamasika na wamekuja kwa wingi katika Tamasha la Tano la Sanaa na Utamaduni la Jumuiya ya Afrika Mashariki (JAMAFEST) linalofanyika kuanzia Septemba 4-12, 2022 nchini Burundi.

Balozi Dkt. Jilly amesema hayo juzi mara baada ya kutembelea mabanda ya wajasiriamali kutoka nchi za Jumuiya ya Afrika Mashariki walioleta bidha zao kwenye hilo.

Nimemaliza kutembelea mabanda ya Tanzania na nchi nyingine, nimeona hamasha kubwa sana Watanzania waekuja kwa wingi, watu mbalimbali wameleta bidhaa za Sanaa, chakula na kwa sababu Burundi wanapenda sana bidhaa za chakula kutoka Tanzania. Nimeona jinsi wanavyochangamkia mchele, dagaa, viungo vya chakula, mafuta, nguo batiki, mapambo ya mwili na picha za Tingatinga, kwa kweli maonesho yamefana” amesema Mhe. Balozi Dkt. Jilly.

Balozi Dkt. Jilly ameongeza kuwa ofisi yake inashirikiana pamoja na watanzania ambao wamekuja kweny tamasha hilo kwa kuwahamasisha watu mbalimbali wakiwemo Wtanzania waishio nchini Burundi, jamii ya kimataifa wakiwemo Mabalozi wanaoziwakilisha nchi zao, wafanyakazi wa mashirika pamoja na kikanda na kuwahimiza kutembelea mabanda yote ya nchi wanachama wa Jumuiya ya Afrika Mashariki (EAC).

Pamoja na maonesho hayo ya Sanaa na Utamaduni, mada mbalimbali ziliwasilishwa tamasha hilo kiwemo jukumu la teknolojia ya kisasa kwa kutumia utamaduni, tasnia ya sanaa na utalii, ushiriki wa vijana katika shughuli za sanaa katika jumuiya ya EAC pamoja na matokeo ya uvumbuzi katika sanaa na utamaduni.

Na Eleuteri Mangi,JamhuriMedia,Bunjumbura

Tanzania inashiriki Tamasha la Tano la Sanaa na Utamaduni la Jumuiya ya Afrika Mashariki (JAMAFEST) 2022 ambalo linafanyika nchini Bujumbura Burundi likiongozwa na Kaulimbiu “Kutumia Rasilimali za Kiutamaduni kukabiliana na Athari za UVIKO-19 kwa Nchi za Jumuiya ya Afrika Mashariki”.

Akifungua tamasha hilo Septemba 5, 2022 katika Uwanja wa Intwari Bujumbura nchini humo, Rais wa Jamhuri ya Burundi Evariste Ndayishimiye amewashukuru Wakuu wa nchi za jumuiya hiyo kufanikisha vikundi vya Utamaduni na Sanaa kushiriki Tamasha la JAMAFEST 2022 kwa mafanikio nchini Burundi.

“Tukio hili husaidia sio tu ubadilishanaji wa kisanii na kitamaduni, lakini pia hukuza ushirikiano wa kikanda. Kuweza kuandaa tamasha hili la Sanaa na Utamaduni nchini Burundi, ni dalili tosha kwamba UVIKO 19 ipo nyuma yetu ushahidi kwamba jumuiya yetu ni thabiti na kwa pamoja tunaweza kukabiliana na changamoto yoyote” amesema Rais Ndayishimiye.

Awali akiwakaribisha washiriki wa tamasha hilo Rais Mhe. Ndayishimiye, amesema kutoka nchi mbalimbali za Jumuiya ya Afrika Mashariki amesema wafurahie sio tu hewa ya Burundi, bali watafurahia madhari nzuri ya Ziwa Tanganyika, kula samaki aina ya mgebuka,dagaa na kuhe ambao wanapatikana katika ziwa Tanganyika.

Aidha, Rais Mhe. Ndayishimiye amesisitiza umuhimu wa Tamasha hilo na kusema kuwa linanaongeza kuimarisha umoja na muingiliano kati ya watu wa wa Jumuiya ya Afrika Mashariki.

Tamasha la JAMAFEST linafanyika kwa mzunguko ambapo mwaka 2022 ni zamu ya nchini Burundi baada ya kufanyika tamasha la 4 kufanyika kwa mafaniko makubwa jijini Dar es Salaam 2019.

Na Issa Michuzi,JamhuriMedia,Birmingham

Tanzania imehitimisha ushiriki wake katika Michezo ya 22 ya Jumuiya ya Madola jijini Birmingham, Uingereza, ikiwa katika nafasi ya 28 baada ya mategemeo yake manne ya mwisho kushindwa kuambulia chochote kwenye michezo yao usiku wa kuamkia leo.

Kwanza alianza bondia Yusuf Lucasi Changalawe kwa kupambana na Sean Lazzerini wa Scotland katika nusu finali ya kwanza ya uzani wa 75kg-80kg (Light Heavyweight ) katika Ukumbi Namba 4 wa National Exhibition Centre (NEC) ambapo alishindwa kwa pointi.

Tegemeo la pili lilikuwa kwa bondia Kassim Selemani Mbundwike aliyepambana kishujaa na bondia Tiago Osorio Muxanga wa Msumbiji katika nusu finali ya pili ya uzani wa 67kg-71kg (Light Middle) katika Ukumbi huo huo, lakini naye akazidiwa pointi.

Hata hivyo, kwa mabondia Changalawe na Mbundwike kucheza hatua hiyo ya nusu finali imemaanisha kwamba kila mmoja wao tayari ana medali ya Shaba, kwani katika ndondi mabondia wote wanaofika hatua hiyo huwa moja kwa moja wanatunukiwa medali hiyo, hata kama watashindwa katika mchezo wao wa nusu fainali.

Karata zingine mbili zilizosalia walikuwa nazo wanariadha Josephat Joshua Gisemo na mwenzie Faraja Lazaro Damasi ambao walikimbia bega kwa bega katika dimba moja katika fainali ya mbio za mita 5,000 Uwanja wa Alexander, wakikwa miongoni mwa wanariadha 20 kutoka nchi mbalimbali za Jumuiya ya Madola waliowania medali za Dhahabu, Fedha na Shaba.

Pamoja na juhudi kubwa walizofanya lakini Watanzania hawa walimaliza katika nafasi za 15 na 16, huku Jacob Kiplimo wa Uganda akishika nafasi ya kwanza akifuatiwa na Wakenya N. Kimeli aliyebeba medali ya Fedha na J. Kiprop akiondoka na medali ya Shaba.

Hivyo kimsimamo hadi leo asubuhi Tanzania inashika Nafasi ya 28 katika ambazo zimeambulia medali. Takriban wanamichezo 5,054 wanashiriki katika Michezo hiyo kutoka Nchi 72 ambapo jumla ya michezo 20 huchezwa.

Jirani zetu Kenya ni wa 12 kimsimamo hadi jana kwa kuwa na jumla ya medali 16 ikiwa ni 4 za dhahabu, 5 za Fedha na 7 za Shaba. Uganda ni ya 13 kwa kuwa na Medali tatu za Dhahabu na mbili za Shaba.

Bara la Afrika linaongozwa kimsimamo na Nigeria na Afrika ya Kusini katika kupata medali nyingi ambapo hadi leo asubuhi Nigeria ni wa 6 kimsimamo kwa kupata jumla ya medali 16, ambapo 9 ni Dhahabu, 8 ni Fedha na 13 ni Shaba.

Afrika ya Kusini hadi asubuhi hii kimsimamo ni ya 7 kwa kunyakua jumla ya medali 7 za Dhahabu, 8 za Fedha na 11 za Shaba.

Hadi leo asubuhi nchi inayoongoza kwa wingi wa medali ni Australia yenye jumla ya medali 155, ambazo ni dhahahu 59, Fedha 46 na Shaba 50. Hao Wanafuatiwa na wenyeji Uingereza ambao hadi asubuhi hii walikuwa na kumla ya medali 148 kiwa ni dhahabu 50, Fedha 52 na Shaba 46.

Hadi sasa Tanzania imeweza kujipatia jumla ya medali 22 (zote katika riadha na ndondi) katika Michezo hio ya Jumuiya ya Madola ambayo nchi imeshiriki michuano yote tokea ipate Uhuru isipokuwa Mwaka 1968,

Katika medali hizo 22, hadi leo Tanzania imeshinda 6 za Dhahabu, 7 za Fedha na 9 za Shaba.

Wakati huo huo, rekodi ya riadha ya Tanzania ambayo haikuwahi kuvunjwa ya mbio za mita 1,500 iliyowekwa Mwaka 1974 na Filbert Bayi jijini Christchurch, New Zealand, imevunjwa jana na mkimbiaji wa Australia Oliver Hoare kwa muda wa dakika 3:30.12