Uchumi

Angela Msimbira,JamhuriMedia,Arusha

Waziri wa Nchi Ofisi ya Rais Tawala za Mikoa na Serikali za Mitaa Innocent Bashungwa amesema Serikali itatumia kiasi cha shilingi trioni 2. 78 kwa ajili ya utekelezaji wa miradi ya elimu nchini

Ameyasema hayo leo tarehe 24 Septemba, 2022 wakati akitoa taarifa kwa umma kuhusu utekelezaji wa miradi ya elimu,jijini Arusha .

Bashungwa amesema kupitia mradi wa kuboresha Elimu ya Sekondari (SEQUIP) Serikali imetoa Shilingi Trilioni 1.2 lengo kwa la kuongeza fursa za upatikanaji wa elimu ya Sekondari, kuweka mazingira salama kwa wasichana waliopo katika shule za Sekondari, na kuhakikisha wanafunzi wote wanamaliza elimu ya Sekondari na kufikia malengo yao.

Bashungwa ameendelea kufafanua kuwa Mradi wa Kuboresha Elimu ya Awali na Msingi (BOOST): Utatoa Shilingi Shilingi Trilioni 1.15. ambapo utaboresha mazingira ya kujifunzia katika shule za umma kwa kujenga miundombinu ya elimu, kuimarisha umahiri wa walimu na ubora wa ufundishaji darasani, kwa kutoa mafunzo endelevu ya walimu kazini.

Programu ya Kutekeleza Elimu kwa Matokeo awamu ya Pili (EP4R II) utatoa Shilingi bilioni 435.90 kwa lengo la kuendelea kujenga miundombinu mbalimbali ya shule (madarasa,vyoo, mabweni, nyumba za walimu), pamoja na kununua vifaa vya kufundishia

Ameeleza kuwa afua zitakazotekelezwa ni pamoja ujenzi wa vyumba vya madarasa; Ujenzi wa Nyumba za Walimu; Ujenzi wa Maktaba; Ujenzi wa Matundu ya Vyoo; Ujenzi wa Mabweni; Ujenzi wa Mabwalo; Ujenzi wa Maabara; Ujenzi wa vyumba vya TEHAMA, Kutoa mafunzo endelevu kwa walimu kazini, na Ununuzi wa Vifaa vya TEHAMA

Aidha Waziri Bashungwa amewaagiza wakuu wa mikoa wote nchini kuhakikisha wanafuatilia miradi yote ya Maendeleo ambayo fedha zake zipo kwenye Mamlaka za Serikali za Mitaa inakamilishwa iifikapo tarehe 31 Oktoba, 2022 na wakurugenzi watakaoshindwa kukamilisha miradi ya Maendeleo ifikapo tarehe taarifa itolewe ili hatua stahiki zichukuliwe dhidi yao.

Pia amewataka wakuu hao wa mikoa kuhakikisha wanawasimamia Wakurugenzi wa Mamlaka za Serikali za Mitaa ufanya matumizi sahihi ya fedha zote za miradi kwa kufuata Miongozo inayotolewa juu ya fedha hizo ili kupata thamani halisi ya fedha hizo kwa miradi inayotekelezwa

Bashungwa ameelekeza, kuhakikisha wanafuatilia kwa ukaribu ujenzi wa miundombinu ya miradi ya maendeleo wanazoletewa ili kuepuka hoja za ukaguzi zisizo za lazima na kupata thamani ya fedha katika miradi hiyo.

Wananchi waliovamia Hifadhi ya Msitu wa Bondo wametakiwa kuondoka ndani ya hifadhi hiyo ifikapo Desemba 30,2022.

Hayo yamesemwa na Naibu Waziri wa Maliasili na Utalii,Mary Masanja (Mb) kwa niaba ya Waziri wa Maliasili na Utalii, alipokuwa akijibu swali la mbunge wa Jimbo la Kilindi Omar Mohamed Kigua bungeni jijini Dodoma leo Septemba 19,2022.

“Kwa nyakati tofauti hifadhi hii imekuwa ikivamiwa kwa ajili ya shughuli za kibinadamu zikiwemo kilimo,makazi na kuchungia mifugo” amefafanua Masanja.

Amesema Serikali imeweka matangazo ya kuwataka wananchi wote kuondoka ndani ya hifadhi hiyo.

Aidha, amesema Wizara ya Maliasili na Utalii kwa kushirikiana na Halmashauri ya Wilaya inaendelea kutoa elimu kwa wananchi kuhusu umuhimu wa Uhifadhi na matumizi endelevu ya rasilimali misitu nchini.

Hifadhi ya Msitu wa Bondo, ipo katika Kijiji cha Mswaki,Kata ya Msanja Wilayani Kilindi Mkoani Tanga.

Mwandishi wetu,JamhuriMedia,Monduli

Wananchi wa Kata ya Selela na Engaruka wilayani Monduli mkoa Arusha,wameomba serikali kuwasaidia kuweka uzio katika vyanzo vya maji vya asili katika maeneo yao ili visiendelee kuharibiwa na wanyamapori.

Kata hizo zina vyanzo vya maji vya asili ambazo zimekuwa zikitoa maji kwa mwaka mzima ambayo ndio tegemeo kwa mahitaji ya Maji katika Kata hizo kwa matumizi ya majumbani,kilimo na mifugo

Wakizungumza na waandishi wa habari za mazingira,kupitia mradi wa Utunzwaji Mazingira kwa maarifa asilia unaendeshwa na taasisi ya wanahabari ya MAIPAC na taasisi ya CILAO mradi ,anaofadhiliwa na shirika la maendeleo la umoja wa mataifa(UNDP) kupitia program ya miradi midogo na kuratibiwa na taasisi ya jumuiko la maliasili Tanzania (TNRF) walisema kama vyanzo hivi havitakwa uzio vitaharibika.

Halima Mollel amesema wanyamapori hasa Tembo wamekuwa wakivamia vyanzo hivyo na kuleta madhara jambo ambalo linaweza kupatiwa ufumbuzi kwa kuwekewa uzio.

“Sisi kama jamii tunavitunza vyanzo hivi kwa maarifa yetu ya asili Sasa tunaomba na serikali kutuunga mkono”amesema.

Awali Afisa Misitu wa tarafa ya Makuyuni na Manyara, Happiness Masaki alisema Wananchi wa Selela na Engaruka wametunza vyanzo ya Maji kwa maarifa ya asili na Sasa wananufaika.

Masaki amesema Kata hizo kwa Sasa Zina maji mwaka mzima licha ya maeneo mengine kuathirika na mabadiliko ya tabia nchi.

“Sisi kama serikali tunawapongeza Hawa Wananchi kwa kutumza hivi vyanzo kutokana na kujiwekea sheria ndogondogo za kimila ambazo zimekuwa rafiki kwa vyanzo vya maji na Mazingira”amesema.

Katibu wa Kamati ya Mazingira Kata ya Selala,Isack Diagwa amesema Siri ya mafanikio ni kushirikisha jamii katika.utunzwaji vyanzo vya maji.

“Lichaya ya kuwa na sheria za serikali kutunza maji pia tunatumia maarifa ya asili ambapo kila mwananchi anawajibika kutunza vyanzo hivi ikiwepo kutoingiza mifugo kwenye vyanzo,kutokana mti ama kulima”amesema.

Mradi wa uhifadhi Mazingira kwa maarifa asilia unatekelezwa na taasisi ya wanahabari ya Usaidizi wa jamii za Pembezoni (MAIPAC) na shirika la msaada ya kisheria la CILAO na kuratibiwa na jumuiko la maliasili Tanzania (TNRF).

Kamisaa wa Sensa Anne Makinda ameeleza ,Maandalizi ya sensa ya watu na makazi ya mwaka 2032 inategemea mafanikio na ufumbuzi wa changamoto zilizojitokeza sensa ya mwaka 2022 ili kuleta matokeo chanya.

Ameelezea kwamba,ameshukuru Sensa hii imefanywa kwa uzalendo na wananchi walikuwa na muitiko mkubwa.

Akizungumza na Kamati ya Sensa mkoa wakati akipokea taarifa ya sensa mkoa wa Pwani, Makinda alisema ni mkoa wa kwanza baada ya Zoezi hilo kukamilika, kuelekea kwenye taarifa sahihi na ya kina ya sensa itakayotolewa na mh.Rais Samia Suluhu Hassan mwezi octoba mwaka huu.

Alieleza maandalizi na matokeo mazuri ya sensa ya mwaka 2032 yanatokana na kujifunza kutokana na changamoto zilizojitokeza sasa ili kujikosoa.

Hata hivyo Makinda alisema ,Zoezi limefanikiwa kwa asilimia 99.99 na mikoa Kama mkoa wa Pwani wenye asilimia 136 ambayo asilimia zimezidi imetokana na makisio Yao waliyojiwekea kabla ya zoezi kukamilika.
Vilevile alisema kwamba, Takwimu zilizopo zisaidie kuanzia ngazi ya chini kwa kutumia data ili kupanga mipango ya maendeleo na Serikali kujifunza kupanga miji yake.

“Kwetu sisi hatuna tamaduni ya kutumia takwimu, tujifunze na sisi kujiendeleza,kupanga mipango kwa kutumia data.

“Kuwa na idadi kamili ya wamachinga, wafanyabiashara, kundi la walemavu,watoto wa kike wanaoelekea kuzaa kujua idadi Yao,magorofa mangapi ,nyumba za kawaida ngapi ili kupanga mpango mzuri wa Maendeleo mbalimbali, miundombinu ya maji,umeme,maji taka na mengine “alibainisha Makinda.

“Tunashukuru mfumo ulikuwa mzuri, wakuu wa mikoa walishiriki kikamilifu kutatua changamoto zilizopo ikiwemo usafiri,na wananchi walijitoa Sana , wengine walipiga simu kuwa Mimi sijahesabiwa ,”!Ni sensa iliyofanyika kwa uzalendo:.alifafanua Makinda.

Makinda alielezea ,Vishkwambi vinarudishwa katika Taasisi husika ikiwemo UNICEF,NBS,Wizara ya elimu na Kama vimeharibika vitengenezwe ,kwani Kama vya NBS vinarudishwa kuendelea na tafiti nyingine.

Wakati huo huo, aliwaasa wananchi waache kulalamika kuwa Hali ngumu badala yake wajitume ,wasichague kazi ili kujiongezea kipato.
Awali Mkuu wa mkoa wa Pwani, alhaj Abubakari Kunenge alisema Zoezi la sensa Mkoani humo limefanikiwa kwa asilimia 136.

Alieleza,wilaya ya Mkuranga imeonekana Kuwa idadi kubwa ya watu hali iliyosababisha kuongeza nguvu ya makarani kutoka wilaya nyingine ili kufanikisha zoezi hilo.

Kunenge alieleza, mkoa huo walikuwa wakichangia pato la taifa 1.94 kwa mwaka 2018 hivyo wanaamini baada ya kupata picha halisi ya takwimu ya watu na makazi pato litapanda.

Mratibu wa sensa mkoa wa Pwani,Adella Temba ,alitaja changamoto kwa baadhi ya maeneo kuwa na idadi kubwa ya kaya na majengo ya kuhesabu isiyoendana na idadi ya makarani waliopangwa hasa katika Halmashauri ya Mkuranga.

Alieleza, wakufunzi 81 kutoka Kisarawe, Bagamoyo, Kibiti, Kibaha Mji na Dar es Salaam ,”makarani 50 kutoka Kisarawe na 600 kutoka Dar es Salaam maeneo ya Temeke,Twangoma, Mbagala, Chang’ombe,Manzese na Kijitonyama walihamishiwa Mkuranga kwa ajili ya kuongeza nguvu kazi.

Adella alipendekeza, wataalamu wa GIS wafanye mapitio ya maeneo yaliyotengwa (EA) ili kutoleta changamoto kwenye tafiti zijazo.

Changamoto nyingine ni baadhi ya wananchi kutopatikana majumbani ,vishkwambi kutokuwa na uwezo wa kutunza chaji kwa muda mrefu kiasi cha kuathiri Zoezi siku ya kwanza, baadhi ya kaya kutojua lugha ya Taifa na kusababisha makarani kutumia wakalimani, Changamoto ya mipaka na maeneo mengine kuwa makubwa kijografia huku baadhi ya maeneo hayakuwekwa kwenye ramani za kuhesabiwa watu.

Na Mwandishi Wetu, JamhuriMedia, Tabora

Mratibu wa wa sensa katika Wilaya ya Igunga Ally Hemed amesema kwamba Karani wa Sensa wilayani Igunga mkoani Tabora, alishindwa kuifikia kaya moja iliyopo katika kijiji cha Migelele, Kata ya Lugubu wilayani humo baada ya kuchezewa kiini macho na kuona miti kila alipoisogelea nyumba hiyo.

Katika kikao cha tathimini ya utekelezaji wa zoezi la sensa ya watu na makazi kwa mwaka 2022 katika Mkoa wa Tabora ambacho kimeongozwa na Mkuu wa Mkoa wa Tabora balozi Dkt.Batilda Burian ambacho pamoja na mambo mengine kililenga kupokea changamoto ambazo ziliibuka katika utekelezaji wa zoezi hilo.

Akiwasilisha sehemu ya changamoto Mratibu wa wa sensa katika Wilaya ya Igunga Ally Hemed amesema kulitokea kaya moja katika kijiji cha Migelele kata ya Lugubu ambayo karani alikuwa akiona miti kila alipoisogelea kwa ajili ya kwenda kutekeleza jukumu lake hali iliyo kwamisha zoezi hilo katika siku ya kwanza.

Mkuu wa Wilaya ya Igunga Sauda Mtondoo amesema kwamba changamoto hiyo ilitatuliwa baada ya kuwahusisha wazee wa Kijiji hicho na hatimaye kufanikisha zoezi la kuhesabu kaya hiyo ambayo ilikuwa na mtazamo wa kutokuhesabiwa.

“Tulifanikiwa kuendelea na zoezi la sensa baada ya kuwashirikisha baadhi ya wazee wa kijiji hicho ambao walitoa ushirikiano kwa kamati ya sensa ya wilaya na kata kwa ajili ya kufanikisha na kuondoa changamoto hiyo’’ alisema mkuu wa wilaya ya Igunga Sauda Mtondoo

Awali akifungua kikao hicho cha tathimini ya utekelezaji wa zoezi la sensa ya watu na makazi kwa mwaka 2022 mkuu wa mkoa wa Tabora amesema kwamba katika zoezi hilo wananchi wa mkoa wa Tabora ndio waliopelekea kufaniksha kwa zoezi la Sensa ya mwaka 2022 kwa zaidi ya asilimia 100 .

Amesema kwamba sensa ni tukio linalofanyika mara moja tu kila baada ya miaka kumi lakini takwimu zitokanazo na Sensa zitatumika kwa kipindi cha miaka kumi ijayo.

“Sote tunafahamu kwamba, zoezi la Sensa ya Watu na Makazi ni zoezi muhimu Kitaifa, Kikanda na Kimataifa “amesema balozi Dkt.Batilda

Mkuu huyo wa Mkoa wa Tabora amesema kwamba zoezi hilo litatuwezesha kutupatia takwimu muhimu zitakazosaidia kupanga, kupima na kutathmini utekelezaji wa mipango ya maendeleo ya kisekta na mipango ya maendeleo ya umoja wa Mataifa ambayo Tanzania imeridhia na inatekeleza.