Category:

Kitaifa

Chongolo ahitimisha ziara yake wilayani Mufindi mkoani Iringa

by Jamhuri May 29, 2023

written by Jamhuri

Katibu Mkuu wa Chama Cha Mapinduzi Ndugu Daniel Chongolo, Mwenyekiti wa CCM Mkoa wa Iringa Ndugu Daud Yasin (kulia) na Mbunge wa Jimbo la Mufindi Kusini (CCM), David Mwakiposa Kihenzile pamoja na Viongozi na wanachama wengine wakitembea kwa miguu kuelekea Nyololo kuhudhuria kikao cha shina namba 27, ikiwa ni muendelezo wa ziara yake ya siku 7 mkoani Iringa .

Katibu Mkuu ameongozana na Wajumbe wa Sekretarieti ya Halmashauri Kuu ya CCM Taifa, Katibu wa NEC Oganaizesheni Ndugu Issa Haji Ussi Gavu na Katibu wa NEC Itikadi na Uenezi Sophia Mjema.

Katibu Mkuu wa Chama Cha Mapinduzi Ndugu Daniel Chongolo akizungumza na Mkuu wa Mkoa wa Iringa Ndugu Halima Dendego (kushoto) kabla ya kuanza kwa kikao cha shina namba 27 lililopo Nyololo wilaya ya Mufindi, ikiwa ni muendelezo wa ziara yake ya siku 7 mkoani Iringa.

Katibu Mkuu wa Chama Cha Mapinduzi Ndugu Daniel Chongolo akizungumza na wanachama na wanachi wa Nyololo waliohudhuria kikao maalum cha shina namba 27, Nyololo wilaya ya Mufindi, ikiwa ni muendelezo wa ziara yake ya siku 7 mkoani Iringa .Pichani ni moja ya madarasa mapya ya Shule ya Msingi mpya ya Kisalasi inayojengwa na Serikali kupitia mradi wa BOOST iliyopo Kata ya Igowose Wilaya ya Mufindi mkoani Iringa.

Sehemu ya wakazi wa kata ya Igowose waliojitokeza kumsikiliza Katibu Mkuu wa Chama Cha Mapinduzi Ndugu Daniel Chongolo alipotembelea na kujionea maendeleo ya ujenzi wa Shule mpya ya Msingi ya Kisalasi inayojengwa na Serikali kupitia mradi wa BOOST.

Wajumbe wa Sekretarieti ya Halmashauri Kuu ya CCM Taifa, Katibu wa NEC Oganaizesheni Ndugu Issa Haji Ussi Gavu na Katibu wa NEC Itikadi na Uenezi Ndugu Sophia Mjema (kulia) wakiteta jambo wakati wa kikao cha nje na wananchi wa Kata ya Ikongosi, Mufindi mkoani Iringa

Katibu Mkuu wa Chama Cha Mapinduzi Ndugu Daniel Chongolo akiteta jambo na Katibu wa NEC Oganaizeshi Ndugu Issa Haji Ussi Gavu (kulia) wakati wa kikao cha nje na wakazi wa kata ya Ikongosi, Mufindi mkoani Iringa.

Sehemu ya Wakazi wa Ikongosi waliojitokeza kwenye kikao cha nje ambapo Mgeni Rasmi alikuwa Katibu Kuu wa Chama Cha Mapinduzi Ndugu Daniel Chongolo.

May 29, 2023 0 comment 1 views

Siasa

UVCCM yazielekeza taasisi za kifedha, sekta binafsi kushirikiana kuinua vijana

by Jamhuri May 24, 2023

written by Jamhuri

Na Dotto Kwilasa, JamhuriMedia, Dodoma

Umoja wa Vijana wa Chama Cha Mapinduzi (UVCCM) umezielekeza Benki na taasisi nyingine za kifedha Pamoja na sekta binafsi kushirikiana moja kwa moja na Wizara ya kilimo katika kuhakikisha vijana wa kitanzania wanapata mitaji, masoko na teknolojia za kisasa katika kushiriki kilimo biashara.

Agizo hilo limetolewa leo Mei 24,2023 Jijini hapa na Katibu wa Idara ya uhamasishaji na Chipukizi UVCCM Edna Lameck wakati akitoa taarifa ya tathmini ya ziara ya Mwenyekiti wa UVCCM Taifa Mohmed Kawaida katika ziara ya ukaguzi wa mradi wa vijana (BBT).

Aidha imeshauri hamshari zote nchini zinazoshiriki katika sekta ya kilimo kutenga ardhi kwa ajili ya vijana wa BBT na vijana wote nchini na kushikiana na wizara ya kilimo kuandaa mashamba makubwa ya Pamoja ambayo tayari Dk.Samia amepeleka Zaidi ya sh.bilioni 361 kwa ajili ya miundombinu ya umwagiliaji.

Amefafanua kuwa ili jambo hilo liweze kufanikiwa Wizara ya Kilimo inapaswa kushirikiana na Wizara ya Elimu kuanza mchakato wa kuwa na Vyuo Vikuu vya Kilimo vitakavyotoa shahada zitakazoendana na mazingira.

Amesema kuanzishwa kwa vyuo hivyo kutasogeza utaalamu karibu na wakulima na kutimiza ndoto ya Baba wa Taifa Mwalimu Julius Nyerere.

“Mnamo tarehe 17 April 2023 Mwenyekiti wa Jumuiya ya Umoja wa Vijana CCM ndugu Mohamedi Ally Kawaida alifanya ziara ya kukagua utekelezaji wa Ilani ya Chama katika mradi wa vijana na wanawake wa Building Better Tomorrow Youth Initiatives in Agribusiness (BBT) katika vituo atamizi 9 kati ya 13 vilivyo katika mikoa ya Dodoma, Mbeya, Mtwara, Morogoro, Tanga, Kilimanjaro, Arusha, Mwanza, Kagera, Kigoma na Tabora” amesema.

Ameeleza kuwa mradi huo umeteua vijana 812 katika awamu hii ya kwanza ambapo vijana wa kiume ni 530 na wa kike 282, kwa sasa wizara inaendelea na dirisha la pili la vijana watakaoshiriki katika mnyororo wa thamani .

“UVCCM inaona BBT ni program inayolenga kuwezesha na kuongeza Zaidi ushiriki wa vijana na wanawake katika kilimo biashara ili kuwapataia ajira, kuimarisha usalama wa chakula, kuongeza mchango wa sekta ya kilimo katika pato la taifa Pamoja na kuinua hali ya Maisha ya jamii ya watanzania,”amesisitiza.

Mbali na hayo amesema kwa sasa Serikali ina mawajabu ya vijana kushindwa kumiliki ardhi kwa ajili ya kilimo biashara, kukosa ujuzi masoko, mitazamo hasi na utegemezi wa kilimo cha mvua ambacho kwa muda mrefu kimeifanya sekta ya kilimo kuwa mwendo wa kobe.

“Utekelezaji wa lengo la miaka minane ya BBT la kuwa na angalau na biashara moja ya kilimo yenye faida na endelevu inayoongozwa na vijana katika vijiji 12,000 inatarajia kutengeneza ajira Zaidi ya milioni 3 ifikapo 2025/2030,”amesema

May 24, 2023 0 comment 10 views

Kitaifa

Rais Samia azindua mkutano wa wakuu wa nchi za Afrika (Africa Heads of State Human Capital Summit)

by Jamhuri May 19, 2023

written by Jamhuri

Rais wa Jamhuri ya Muungano wa Tanzania Mhe. Samia Suluhu Hassan akibonyeza Kitufe kuashiria uzinduzi wa Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit) katika Ukumbi wa Julius Nyerere Convention Centre (JNICC) Jijini Dar es Salaam tarehe 19 Mei, 2023. Mkutano wa Wakuu wa Nchi za Afrika kuhusu Rasilimali Watu unatarajiwa kufanyika tarehe 25-26 Julai, 2023 Jijini Dar es Salaam.

Rais wa Jamhuri ya Muungano wa Tanzania Mhe. Samia Suluhu Hassan akizungumza na Viongozi, Mabalozi pamoja na Wageni mbalimbali kutoka Nje ya nchi kabla ya kuzindua Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit) katika Ukumbi wa Julius Nyerere Convention Centre (JNICC) Jijini Dar es Salaam tarehe 19 Mei, 2023. Mkutano wa Wakuu wa Nchi za Afrika kuhusu Rasilimali Watu unatarajiwa kufanyika tarehe 25-26 Julai, 2023 Jijini Dar es Salaam.

Viongozi, Mabalozi pamoja na Wageni mbalimbali kutoka Nje ya nchi wakiwa kwenye uzinduzi wa Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit) katika Ukumbi wa Julius Nyerere Convention Centre (JNICC) Jijini Dar es Salaam tarehe 19 Mei, 2023. Mkutano wa Wakuu wa Nchi za Afrika kuhusu Rasilimali Watu unatarajiwa kufanyika tarehe 25-26 Julai, 2023 Jijini Dar es Salaam.

May 19, 2023 0 comment 5 views

Biashara

NMB yakabidhi viti, meza za Mil. 15/- kwa Sekondari Mafia

by Jamhuri May 16, 2023

written by Jamhuri

Na Mwandishi Wetu, JamhuriMedia, Pwani

Benki ya NMB imekabidhi msaada wa viti 100 na meza 100 vyenye thamani ya Sh. Mil. 15, kwa matumizi ya wanafunzi wa Shule za Sekondari Kidawendui na Jibondo, zilizoko Mafia mkoani Pwani, vifaa vilivyopokelewa na Mkuu wa Wilaya hiyo, Zephania Sumaye, kutoka kwa Mkaguzi Mkuu wa Ndani wa benki hiyo, Benedicto Baragomwa.

Hafla ya makabidhiano hayo imefanyika katika viwanja vya Shule ya Kidawendui (zamani ikiitwa Ndagoni Sekondari), ambako DC Zephania aliipongeza NMB na kuitaja kama moja ya silaha za Serikali katika vita ya kupambana na maadui watatu waliotajwa na Baba wa Taifa, Mwalimu Julius Nyerere, ambao ni Ujinga, Maradhi na Umaskini.

Akizungumza katika hafla hiyo, DC Zephania alisema NMB imeisaidia pakubwa Serikali, katika vita dhidi ya maadui hao, kupitia Program ya Uwajibikaji kwa Jamii (CSR) katika Sekta za Elimu na Afya, ilikojikita kutatua changamoto mbalimbali za kimiundombinu, vifaa vya kujifunzia, vya kufundishia pamoja na vifaa tiba katika shule, zahanati, vituo vya afya na hospitali.

“Wakati wa uhai wake, Baba wa Taifa Mwalimu Julius Nyerere aliwataja maadui watatu wa maendeleo ya Watanzania kuwa ni Ujinga, Maradhi na Umaskini, na sasa hivi NMB imekuwa mdau, mbia sahihi na silaha yetu kuu katika kutusaidia kupambana na maadui hao.

Mkuu wa Wilaya ya Mafia, Zephania Sumaye (kushoto) na Mkaguzi Mkiu wa ndani wa Benki ya NMB, Benedicto Baragomwa (kulia) wakikagua madawati na viti vilivyotolewa na Benki ya NMB kwa Shule ya Sekondari ya Kidawendui na Jibondo zilizoko wilayani Mafia mkoani Pwani wakati wa hafla ya makabidhiano . Jumla ya vitu hivyo vina thamani ya shilingi milioni 15

“Kupitia sera ya Uwajibikaji kwa Jamii, NMB inatumia sehemu ya faida yao kila mwaka kusaidia jitihada za Serikali kupambana na maadui hao kupitia misaada yao hii katika elimu na afya, kwani kuboresha mazingira ya walimu kusomesha kirahisi na kutatua kero za kujifunzia miongoni mwa wanafunzi, nako ni kupambana na ujinga.

“Kwenye afya nako NMB imejikita kusaidia maboresho ya miundombinu ya zahanati zetu, Vituo vya Afya na Hospitali, ambako imesaidia kuanzia ujenzi na hata vifaa tiba. Hii nayo pia ni kusaidia kupambana na adui maradhi. Serikali tunatambua na kuthamini mchango wenu na tunaomba muendelee na sapoti hizo,” alifafanua Zephania.

Alizitaka taasisi mbalimbali nchini kufuata nyayo za NMB katika kusaidia utatuzi wa changamoto za kijamii, huku akiwataka wanafunzi na walimu wa Shule za Kidawendui na Jibondo kutunza viti na meza hizo, ambayo ni mbinu sahihi ya kuvutia taasisi zaidi kujitoa kusaidia kutatua kero nyingi zilizopo, ambazo dawa ya kuzimaliza ni pamoja na utunzaji wa misaada inayowafikia.

Akimtangulia DC Zephania, Baragomwa alisema elimu na afya ni sekta za kipaumbele kwa benki yake, ambayo imebadili Programu ya Uwajibikaji kwa Jamii (CSR) na kuwa Programu ya Uwekezaji kwa Jamii (CSI), lengo likiwa ni kupanua wigo wa kuihudumia jamii katika nyanja hizo pamoja na utunzaji wa mazingira.

“Hizo ni sekta za kipaumbele kwetu, kwani ndio mhimili wa maendeleo ya Taifa lolote duniani. Tunatambua juhudi za Serikali ya Rais Samia Suluhu Hassan katika kusimamia upatikanaji wa elimu bora mijini na vijijini, nasi hatuna budi kuipongeza kwa hilo na tukiwa wadau muhimu, tunao wajibu wa kuunga mkono juhudi za kusaidia jamii ambayo imeifanya NMB kuwa benki kubwa kuliko zote nchini.

“Tulipopata maombi ya kuchangia maendeleo na ustawi wa elimu wilayani Mafia tulifarijika na mara moja tukachagua kuja kushirikiana nanyi na leo tuko hapa kukabidhi meza 50 na viti 50 kwa Sekondari ya Kidawendui vyenye thamani ya Sh. Mil. 7.5, na pia meza 50 na viti 50 kwa Shule ya Sekondari Jibondo vyenye thamani sawa na hiyo. Hii inamaanisha kwa ujumla msaada kwa shule hizi una thamani ya Sh. Milioni 15,” alisema Baragomwa.

Naye Mkurugenzi Mtendaji wa Wilaya ya Mafia (DED), Kassim Ndumbo, alikiri kuwa changamoto katika sekta ya elimu ni nyingi na kwamba Serikali pekee haiwezi kuzimaliza bila nguvu za wadau kama NMB, na kuongeza shule za sekondari katika wilaya yake zina uhitaji wa viti na meza 4,332, vilivyopo ni 3,464, huku shule za msingi zikiwa na upungufu wa madawati 1,000 kwani uhitaji ni madawati 6,000 na yaliyopo ni 5,000 tu.

Kabla ya hafla hiyo, msafara wa NMB ulitembelea Ofisi za DC na DED, ambako Baragomwa alimtambulisha Meneja mpya wa NMB Kanda ya Dar es Salaam na Pwani, Dismas Prosper, ambapo DC Zephania aliitaka NMB kushirikiana na serikali yake kutangaza vivutio vya utalii na fursa za uwekezaji zilizopo Mafia. Dismas alimshukuru DC na kumtaka kuitegemea benki yake katika mipango ya kimaendeleo iliyonayo.