Watu sita wamefariki dunia baada ya helikopta kuanguka magharibi mwa Kenya. Miongoni mwa waliofariki ni Mbunge wa Emurua Dikirr, Johana Ng’eno.
Ajali hiyo ilitokea Jumamosi katika eneo la Mosop, takribani kilomita 300 kaskazini-magharibi mwa jiji la Nairobi, kwa mujibu wa taarifa za polisi.
Rais William Ruto ameeleza mshtuko na huzuni kubwa kufuatia kifo cha mbunge huyo, akimtaja kama kiongozi aliyejitolea kuhudumia wananchi wa Kaunti ya Narok.
Rais amesema mawazo na maombi yake yako pamoja na familia za marehemu na waathirika wote wa ajali hiyo.
