Home Author
Author

Jamhuri

MCHANGANYIKO

Mawaziri nane wajadili utatuzi wa migogoro ya ardhi vijiji 975

by Jamhuri
written by Jamhuri
Waziri wa Ardhi Nyumba na Maendeleo ya Makazi Mhe. Dkt Angeline Mabula akizungumza kwenye kikao cha Kamati ya Mawaziri Nane kujadili utatuzi wa migogoro ya matumizi ya ardhi katika vijiji 975 kilichofanyika katika kituo cha Mikutano cha Mwl Nyerere jijini Dar es Salaam.

Waziri Mabula Waziri wa Ardhi Nyumba na Maendeleo ya Makazi Mhe. Dkt Angeline Mabula ameongoza kikao cha Kamati ya Mawaziri Nane wa Wizara za Kisekta kujadili utekelezaji wa Maamuzi ya Baraza la Mawaziri kuhusiana na utatuzi wa migogoro ya matumizi ya ardhi katika vijiji 975.

Kikao hicho kilichofanyika Agosti 18, 2022 katika Kituo cha Mikutano cha Kimataifa cha Mwalimu Nyerere jijini Dar es Salaam kilihudhuriwa na Waziri wa Ulinzi Stergomena Tax, Waziri TAMISEMI Innocent Bashungwa, Waziri wa Maji Jumaa Aweso, Waziri wa Mifugo na Uvuvi Mashimba Ndaki, Naibu Waziri wa Maliasili na Utalii Mary Masanja, Naibu Waziri Ofisi ya Makamu wa Rais Mazingira Khamis Hamza Chillo pamoja na Makatibu Wakuu wa Wizara za kisekta.

Katika kikao hicho Kamati ya Mawaziri Nane wa Wizara za Kisekta ilipokea taarifa ya tathmnini ya kazi iliyofanyika katika mikoa 13 ya Tanzania Bara kutoka kwa timu ya wataalamu sambamba na kupokea mpango kazi wa utekelezaji wa Maamuzi ya Baraza la Mawaziri katika mikoa iliyosalia.

0 comment 20 views
0 FacebookTwitterPinterestEmail
MCHANGANYIKO

Shaka akemea watumishi halmashauri kuhusishwa na unyanyasaji wa kingono

by Jamhuri
written by Jamhuri

Chama Cha Mapinduzi (CCM), kimekemea tabia ya udhalilishaji inayodaiwa kufanywa na baadhi ya watumishi waliopewa dhamana katika halmashauri mbalimbali ikiwemo ya Sikonge.

Akizungumza jana wilayani Sikonge, Mkoa wa Tabora akiwa katika ziara ya kukagua utekelezaji wa Ilani ya Uchaguzi ya CCM na Uhai wa chama mkoani Tabora, amesema chama hakiungi mkono udhalilishaji wowote na inafuatilia hatua kwa hatua jambo hilo.

“Nataka niseme na hili la udhalilishaji wanawake kingono, nimelikuta Kaliua na lipo Sikonge, lakini hata kwenye maeneo mengine kwa watumishi wa umma, ujumbe umefika, wenye hiyo tabia waache, waache kuwadhalilisha dada zetu, waache kuwadhalilisha mama zetu, waache kuwadhalilisha ndugu zetu wa kike hapa Sikonge, hiyo tabia imeshamiri kwa sababu tu kuna mtu anadhamana, ana fursa ya kuwasaidia wengine.

“Hamuwasaidii mama zetu, hamsaidii dada zetu mpaka muwadhalilishe kingono,chama kinafuatilia kwa karibu sana, hatutaruhusu udhalilishaji wa aina yoyote kwa wanawake ndani ya nchi hii, wanawake hawa wanauwezo mkubwa sana katika kufungua fursa za maendeleo katika taifa letu.

“Wakithubutu akina mama wanaweza, hatuwezi kuacha uthubutu wao kwa sababu tu sisi akina baba baadhi yetu tunashindwa kuzuia hisia zetu, tena sio kushindwa kuzuia hisia zetu ila hatuna adabu tu, ni utovu wa adabu tuliokuwa nao,” amesema Shaka.

0 comment 16 views
0 FacebookTwitterPinterestEmail
Uchumi

Uzinduzi asasi za kiraia (AZAKI) suluhisho la maendeleo

by Jamhuri
written by Jamhuri

Na Mwandishi Wetu,JamhuriMedia, Dar

Imeelezwa kuwa jitihada za makusudi zinazofanywa na Asasi za kiraia katika kuimarisha ushirikiano miongoni mwa wadau mbalimbali wa sekta hiyo zinatambuliwa na sekta binafsi kama sehemu muhimu ya kuharakisha maendeleo ya wananchi na Taifa kwa ujumla.

Baadhi ya washiriki wakifuatilia matukio mbalimbali katika uzinduzi huo.

Kauli hiyo imetolewa jana na Jijini Dar es Salaam na Mkurugenzi Mtendaji wa Benki ya CRDB Abdulmajid Nsekela katika uzinduzi wa Wiki ya Asasi za Kiraia (AZAKI) 2022 ambapo alikuwa mgeni rasmi.

Nsekela amesema kuwa ushirikiano baina ya asasi za kirais na sekta binafsi unaweza kutoa suluhisho la changamoto za maendeleo ya kijamii na kiuchumi kwa ufanisi zaidi kuliko kila Taasisi kufanyakazi kivyake.

“Kwa bahati mbaya kumekuwepo na ushirikiano usioridhisha kati ya Asasi za kiraia na sekta binafsi katika kutatua changamoto za kimaendeleo nje ya ushirikiano wa kiufadhili. Hata hivyo, sisi ni wamoja. Ushirikiano kati ya sekta mbalimbali miongoni mwa mashirika, taasisi na wananchi ni miongoni mwa hatua zinazohitajika kuchukuliwa.

Mkurugenzi Mtendaji wa Benki ya CRDB Abdulmajid Nsekela (wa tatu kusho) akiwa na Mkurugenzi Mtendaji wa Foundation for Civil Society (FCS) Francis Kiwanga (wa pili kushoto) pamoja na Mratibu wa Mashirika yasiyo ya Kiserikali kutoka Ofisi ya Rais (TAMISEMI) Linus Kahendagaza (wa pili kulia) katika uzinduzi rasmi wa Wiki ya AZAKI uliofanyika leo  Agosti 18,2022 Jijini Dar es Salaam. (wa kwanza kushoto) ni, Mkurugenzi Mtendaji wa TGNP Lilian Liundi, na (wa kwanza kulia) ni Mkurugenzi Mkazi wa Shirika la CBM Nesia Mahenge.

“Tunajenga Taifa moja na jamii moja ya kimataifa. Tunajenga simulizi zetu kwa ajili ya maendeleo yetu” amesema Nsekela.

Na kuongeza kuwa “Katika sekta binafsi tunaongelea uwekezaji unaoleta matokeo chanya. Huu ni uwekezaji unaofanywa kwa lengo la kuleta matokeo ya kijamii au kimazingira yanayopimika mbali na faida za kifedha.

Lengo ni kuleta maendeleo ya kijamii na uthabiti wa kiuchumi. Msisitizo wa uwekezaji wenye kuleta matokeo chanya kijamii ni msingi muhimu wa ushirikiano wa karibu zaidi kati ya sekta binafsi na asasi za kiraia. Hii pia inaakisi Ajenda ya 2030 ya Maendeleo Endelevu na Malengo Endelevu ya Maendeleo” ameongeza Nsekela.

Wiki ya Asasi za Kiraia ya 2022 inawaleta pamoja washirika muhimu wa maendeleo na ina lengo la kuimarisha ushirikiano wenye lengo la kukuza ushiriki wa Asasi za kiraia katika maendeleo ya Tanzania, kuimarisha hatua za pamoja zenye lengo la kufanyia kazi changamoto za kimaendeleo na kubadilishana mawazo kuhusu changamoto hizo.

Mratibu wa Mashirika yasiyo ya Kiserikali kutoka Ofisi ya Rais (OR TAMISEMI) Linus Kahendagaza akizungumza kwenye hafla hiyo

Kuhusu Wiki ya Asasi za Kiraia (AZAKI) Nsekela amesema, “Tunaisubiri kwa hamu Wiki ya Asasi za kiraia ya mwaka huu. Tujikite zaidi katika kuoanisha uwekezaji wa Sekta Binafsi na maendeleo endelevu ya kijamii na kiuchumi. Uwekezaji wenye kuleta matokeo chanya ya kijamii ni nyenzo muhimu katika kuhakikisha uwekezaji huo unaleta maendeleo endelevu.”

“Tusherehekee maendeleo ya watu kupitia simulizi za mabadiliko yaliyofanikishwa kwa kiasi kikubwa na Asasi za kiraia, lakini pia tuje na njia mpya za kuwekeza katika mipango ya kijamii kupitia ushirikiano miongoni mwa wadau mbalimbali,” amesema.

Kwa upande wake Mkurugenzi Mtendaji wa Kituo cha Sheria na Haki za Binadamu (LHRC),Anna Henga, amezungumzia kwa ufupi historia ya Wiki ya Asasi za Kiraia.

Mratibu wa Wiki ya Asasi za Kiraia (AZAKI) Justice Rutenge, akizungumza katika hafla hiyo kuelezea matukio mbalimbali yatakayofanyika katika Wiki AZAKI ya 2022 yatakayofanyika Jijini Arusha kuanzia Oktoba 24, 2022 mpaka Oktoba 28, 2022

“Ujumbe wa mwaka 2018 ulikuwa ni ‘Ukuzaji wa Viwanda Tanzania: Watu, Sera na Utekelezaji’. Mwaka 2019 ujumbe ulikuwa ni ‘Maendeleo Kupitia Ushirikiano: Ushirika Kama Chachu ya Maendeleo Tanzania’, na mwaka 2021 ulikuwa ni ‘Mchango wa Asasi za Kiraia kwa Maendeleo ya Taifa’.

Tangu kuanzishwa kwake,kumekuwa na utambuzi unaoongezeka miongoni mwa wadau wa umuhimu wiki hii kama jukwaa muhimu linalowakutanisha wadau mbalimbali.

“Sisi sote ni mashahidi wa umuhimu na matokeo chanya ya Wiki ya Asasi za Kiraia tangu ilipoanzishwa, ikiwa ni pamoja na kuimarishwa kwa umoja na mshikamano miongoni mwa wadau wa maendeleo nchini.

“Wiki ya Asasi za Kiraia pia imeleta mwamko mkubwa miongoni mwa washirika wa maendeleo wa umuhimu wa kuionyesha jamii mchango wao katika maendeleo ya kijamii na kiuchumi nchini. Wiki hii huweka msisitizo katika umuhimu wa ufanyaji kazi wa pamoja na ushirikiano katika kuwafikia wananchi,” alisema.

Naye Mratibu wa Wiki ya Asasi za Kiraia, Justice Rutenge, amesema ajenda ya wiki ya mwaka huu itajikita katika kuhakikisha washirika katika sekta mbalimbali wanakuwa ni sehemu muhimu ya ufanyaji kazi wa pamoja wenye lengo la kuleta maendeleo ambapo matukio mbalimbali ya AZAKI ya 2022 yatafanyika Jijini Arusha kuanzia Oktoba 24, 2022 mpaka Oktoba 28, 2022.

“Tofauti na jitihada za awali zilizojikita katika kuelezea mchango wa sekta ya asasi za kiraia, ujumbe wa Wiki ya Asasi za Kiraia ya 2022, ambao ni ‘Maendeleo ya Watu, Simulizi za Watu’, una lengo la kuonyesha kwamba wananchi ndio washirika wetu wakubwa na sababu kubwa ya uwepo wa asasi za kiraia.

Hii inaakisi hatua, mifumo na michakato mbalimbali inayotumiwa na asasi za kiraia katika kutatua changamoto mbalimbali zinazowakabili Watanzania, hasa zile zilizoota mizizi na za muda mrefu. Hii pia inaonyesha nia ya asasi za kiraia na washirika wa maendeleo katika kuleta maendeleo chanya na kuongoza kwa mfano,” alisema.

Wiki ya Asasi za Kiraia ni tukio muhimu la kila mwaka kwa wadau wa maendeleo nchini, ikiwa ni pamoja na Asasi za kiraia,sekta binafsi na Serikali kwa ujumla, kwani hao wote ni washirika muhimu wa maendeleo nchini.

Wiki hii huelekeza jitihada zake katika kuhakikisha ushiriki kamili wa washirika na wadau kutoka Sekta mbalimbali.

0 comment 24 views
0 FacebookTwitterPinterestEmail
Habari Mpya

Prof.Muhongo ahamasisha wananchi kushiriki sensa

by Jamhuri
written by Jamhuri

Na Fresha Kinasa,JamhuriMedia,Musoma

Mbunge wa Jimbo la Musoma Vijijini mkoani Mara,Prof.Sospeter Muhongo ameendelea na zoezi la kampeni la kutoa elimu na hamasa kwa wananchi wa Kisiwani cha Rukuba ili washiriki kwa ufanisi kuhesabiwa katika Sensa ya Watu na Makazi Agosti 23, mwaka huu.

Prof.Muhongo ameambatana na Diwani wa Kata ya Etaro, Mhe Emmanuel Kigwa. Ambapo Kisiwa cha Rukuba ni moja ya vijiji vinne vya Kata ya Etaro katika Wilaya ya Musoma.

Huo ni mwendelezo wa ziara ya kitongoji kwa kitongoji, nyumba baada ya nyumba, kijiji baada ya kijiji na kata baada ya kata ambayo aliianza muda mrefu kuhamasisha wananchi kushiriki sensa ambayo ni muhimu kwa maendeleo ya jimbo hilo na wananchi kwa ujumla.

Wananchi wa Rukuba, wamemhakikishia Mheshimwa Mbunge Prof.Muhongo watashiriki kwa asilimia 100 katika Sensa ya Watu na Wakazi kwani wamepata elimu kwa kina juu ya umuhimu wa sensa katika kuifanya Serikali ipate takwimu sahihi iweze kuendelea kutekeleza Mipango yake kwa ufanisi ya kuwaletea Maendeleo ya kiuchumi na kijamii.

Kabla ya kufanya Mkutano wa Uhamasishaji wa ushiriki kwenye sensa ambayo itafanyika Agosti 23, 2022, Mbunge huyo alikagua ujenzi wa Kituo cha Afya cha Kisiwa hicho.

Ambapo Serikali imeishatoa jumla ya shilingi milioni 500 kwa ajili ya ujenzi wa kituo hicho cha afya ambacho kitawahudumia wananchi. Na kwamba, ujenzi unaendelea vizuri na majengo yaliyokamilishwa kwa zaidi ya asilimia 80 ni maabara na Wodi ya Mama na Mtoto.

Aidha, Wana-Rukuba wamedhamiria kukamilisha ujenzi wa Kituo chao cha Afya ifikapo mwishoni mwa Oktoba 2022.

Wananchi hao, wametoa shukrani nyingi sana kwa Mheshimiwa Rais Samia Suluhu Hassan pamoja na Mheshimiwa Mbunge Prof. Muhongo kwa kuendelea kuwaletea maendeleo chini ya utekelezaji wa ilani ya uchaguzi ya Chama Cha mapinduzi.

Jafari Kibasa ni Mwenyekiti wa Kijiji cha Rukuba ambapo amesema kuwa ujenzi wa Kituo hicho utaimarisha upatikanaji wa huduma za matibabu kwa wananchi wa kijiji hicho kupata matibabu kwa ufanisi.

“Tunamshukuru Mheshimwa Rais Samia Suluhu Hassan na Mheshimiwa Mbunge kwa juhudi za kutuletea kituo hiki cha afya kitatupa uhakika wa huduma za matibabu na kuondokana na Changamoto za kufuata matibabu mbali Mungu azidi kumbariki Mheshimiwa Rais na kumpa maisha marefu kwa Jambo hili jema,” amesema Naomy Peter.

Hussein Nalinga ni Mganga Mfawidhi wa Kituo cha Afya Rukuba ambapo amesema kuwa, ujenzi wa Kituo hicho kitasaidia kwa kiasi kikubwa kina mama wanaojifungua kwani kwa sasa wakati mwingine hulazimika kutumia boti kuwapeleka Musoma kujifungua na wakati ziwa linapokuwa limechafuka inakuwa ni changamoto kubwa.

0 comment 37 views
0 FacebookTwitterPinterestEmail
Newer Posts
Older Posts