Author

Jamhuri

Mtoto wa mwezi mmoja afanyiwa upasuaji hospitali ya Rufaa ya Kanda ya Mtwara

by Jamhuri September 30, 2022

written by Jamhuri

Na Mwandishi Wet,JamhuriMedia,Mtwara

Mtoto wa mwezi mmoja (Sinaini Mussa Kalokole) amefanyiwa upasuaji wa kichwa katika hospitali ya rufaa ya kanda Mtwara kwa ushirikiano kati ya Madaktari bingwa wa MOI pamoja na wa hospitali hiyo (SZRH).

Upasuaji huo ni sehemu ya kambi ya matibabu ya siku tano ambayo inaendeshwa na madaktari, wauguzi na wataalamu wa MOI kwa kushirikiana na wenzao wa hospitali ya rufaa ya kanda ambap hadi sasa zaidi ya wagonjwa 600 wamehudumiwa.

Daktari bingwa wa upasuaji wa Ubongo, Mgongo na mishipa ya fahamu MOI ,Dkt Maxigama Ndossi amesema mtoto huyo alifikishwa katika kliniki na kubainika kuwa na ugonjwa wa kichwa kikubwa ambapo alihitaji kufanyiwa upasuaji ili kumuepusha na madhara yanayoweza kujitokeza kwa kutokupata tiba kwa wakati.

“Leo tuko hapa katika vyumba vya upasuaji vya hospitali ya rufaa ya kanda kusini ambapo tumefanikiwa kwa mara ya kwanza kufanya upasuaji wa kichwa kwa motto wa mwezi mmoja, upasuaji umekwenda salama na mtoto yuko salama kabisa na amepelekwa wodini, tulimuona kliniki na tukabaini anahitaji upasuaji hivyo tumefanikiwa kumfanyia upasuaji wa kichwa” alisema Dkt. Maxigama

Amesema mzazi wa mototo huyo alishakata tama kwani hakuwa na uwezo wa kusafiri kwenda Dar es Salaam kufuata huduma ya upasuaji kwa motto wake.

Dkt. Maxigama ametoa wito kwa wakazi wa mikoa ya kusini kuendelea kujitokeza kwa wingi kupata huduma katika hospitali ya rufaa ya kanda kusini kwani wataalam wapo na Serikali imeweka vifaa vya kisasa katika hospitali hiyo mpya nay a kisasa.

Taasisi ya MOI imekua ikitekeleza kwa vitendo agizo la Serikali la kuhakikisha huduma zake za kibingwa zinasogezwa karibu na wananchi.

September 30, 2022 0 comment 5 views

Kitaifa

Tanzania, India kuongeza ushirikiano sekta ya filamu

by Jamhuri September 30, 2022

written by Jamhuri

Serikali ya Tanzania pamoja na Serikali ya India zimekubaliana kuongeza maeneo mapya ya ushirikiano ikiwemo sekta ya filamu.

Akifungua Mkutano wa Kimataifa wa Ushirikiano baina ya Tanzania na India leo Jijini Dar es Salaam, Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb.), amesema ushirikiano wa Tanzania na India ni wa kihistoria na umekuwa imara nyakati zote, na kwa sasa mataifa hayo yamekusudia kuongeza maeneo ya ushirikiano hususan katika sekta ya filamu.

Balozi Mulamula ameongeza kuwa, maeneno mengine ambayo Tanzania na India zimekusudia kuongeza ushirikiano ni katika sekta ya filamu hasa katika kuwaendeleza wasanii wa Tanzania katika kujifunza zaidi masuala ya uzalishaji wa filamu bora kama wanavyofanya wenzetu wa India.

*Waziri wa Mambo ya Nje na Ushirikiano wa Afrika Mashariki, Balozi Liberata Mulamula akihutubia wakati wa ufunguzi wa Mkutano wa Kimataifa wa Ushirikiano baina ya Tanzania na India Jijini Dar es Salaam*

“Tumekubaliana na Balozi kuwa tufufue ushirikiano katika eneo hili muhimu ili kuwawezesha wasanii wetu hapa nchini kuwa na uwezo wa kutengeneza filamu zenye viwango kama wenzetu wa India,” amesema Balozi Mulamula

Awali Balozi Mulamula amesema ushirikiano wa Tanzania na India umekuwa imara wakati wote kutokana na misingi ya kihistoria iliyowekwa na waasisi wa mataifa hayo mawili, Baba wa Taifa Hayati Mwalimu Julias Nyerere wa Tanzania na Baba wa Taifa la India, Mahatma Gandhi.

Waziri Mulamula ameongeza kuwa misingi hiyo imesaidia kukuza ushirikiano wa Tanzania na India katika sekta za elimu, afya, maji, ulinzi, utalii, tehama, kilimo, mabadiliko ya tabia nchi, nishati na uchumi wa buluu pamoja na biashara na uwekezaji. Alama ya ushirikiano katika nyanja hizo iliachwa na waasisi wa mataifa haya mawili (Mwl. Nyerere na Mahatma Gandhi) imekuwa chachu ya kuimarisha uhusiano wa Tanzania na India nyakati zote kwa maslahi ya pande zote mbili.

***Balozi wa India nchini, Mhe. Binaya Pradhan akiwasilisha hotuba yake wakati wa ufunguzi wa Mkutano wa Kimataifa wa Ushirikiano baina ya Tanzania na India Jijini Dar es Salaam***

Kwa upande wake Balozi wa India nchini, Mhe. Binaya Srikanta Pradhan ameongeza kuwa India imekuwa na uhusiano mzuri na Tanzania, ambapo uhusiano huo umesaidia kuimarisha maendeleo baina ya mataifa hayo katika nyanja za elimu, afya, biashara na uwekezaji, kilimo na utamaduni.

“Ushirikiano uliopo baina ya India na Tanzania umekuwa chachu ya maendeleo kwa mataifa yetu na tumeshuhudia mabadiliko makubwa katika sekta za biashara na uwekezaji ambayo yamekuwa chachu ya maendeleo ya uchumi wetu,” amesema Balozi Pradhan

Mwezi Agosti, 2022, Tanzania na India ziliahidi kuendelea kuimarisha ushirikiano ikiwemo kuhakikisha sekta za afya na nyingine zinaimarika ikiwemo kilimo.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula katika picha ya pamoja na Ujumbe kutoka ubalozi wa India nchini, ukiongozwa na Balozi wa India nchini, Mhe. Binaya Pradhan

Aidha, India kupitia hospitali ya Apollo zilisaini mkataba wa makubaliano (MoU) na Kampuni ya Eclipse Group Afrika ya Jijini Dar es Salaam wa kujenga kituo cha kisasa cha kutoa huduma za uchunguzi za magonjwa ya saratani kinachotarajiwa kuanza kujengwa nchini kuanzia mwezi Novemba 2022.

September 30, 2022 0 comment 1 views

Habari Mpya

Watano wahukumiwa kunyongwa hadi kufa

by Jamhuri September 30, 2022

written by Jamhuri

Na Mwandishi Wetu, JamhuriMedia, Tabora

Mahakama Kuu, Kanda ya Tabora nchini Tanzania, leo Ijumaa Septemba 30, 2022 imewahukumu kunyongwa hadi kufa watuhumiwa watano ambao ni wakazi wa Wilaya ya Igunga, Mkoa wa Tabora.

Ni baada ya kuwatia hatiani kwa kosa la kumuua mume wa mwenye Ualbino wakati akimtetea mkewe asikatwe mkono kutokana na imani za kishirikina.

Hukumu hiyo imetolewa na Hakimu Mkazi Mwandamizi wa Mahakama ya Hakimu mkazi Mkoa wa Tabora, aliyekasimiwa mamlaka ya ziada, Jovin Katto, baada ya kuridhika na ushahidi uliotolewa na upande wa mashitaka.

Katika hukumu hiyo Hakimu Katto, amesema upande wa mashtaka umethibitisha pasipo shaka washitakiwa hao, ndio wametenda kosa hilo la kinyama ambalo adhabu yake ni moja ya kunyongwa hadi kufa.

Waliopewa adhabu hiyo ni Mussa Njile Masanilo, Mhoja John Shija, Regina Kashinje Kulwa, Elizabert Masanja Shija na Biria Masanja.

Awali, upande wa mashitaka ukiongozwa na wakili Merito Ukongoj, uliiambia mahakama hiyo washitakiwa walitenda kosa hilo Agosti 16, 2014 usiku katika kijiji cha Buhekela, wilayani Igunga.

Amesema siku hiyo saa nne usiku, washitakiwa walivamia nyumbani kwa Mapambano Mashiri ambaye kwa sasa ni marehemu na kumkata kata kwa mapanga hadi kusababisha kifo chake.

Katika shauri hilo, Hakimu Katto amemhukumu kutumikia kifungo cha miaka mitano jela, Bahati Kulugu, ambaye alikutwa na mkono wa mama huyo mwenye ualbino.

Mahakama imeridhika na ushahidi uliotolewa na upande wa mashitaka kwamba Bahati Kalugu alikamatwa akiwa na mkono huo wa mwenye ualbino akitafuta mnunuzi.

Upande wa mashitaka ulikuwa umeandaa mashahidi 48 lakini kwa vile maelezo yao yalikuwa yanafanana waliofika mahakamani ni mashahidi 12 tu kati yao.

Hili ni moja ya matukio mabaya na ya kusikitisha yaliyotokea mwaka 2014 yakihusisha watu waliokuwa wakisaka viongo vya watu wenye ualbino kutokana na imani za kishirikina.

Hakimu Katto ambaye ni miongoni mwa mahakimu waliongezewa Mamlaka ya kusikiliza mashauri ya Mahakama Kuu, amesema washitakiwa baada ya kumshambulia kwa mapanga hadi kufa, Mapambano Mashiri, walimkata mkono wa Mkewe ambaye ana ualbino.

September 30, 2022 0 comment 3 views

Kitaifa

Rais Samia ahutubia hafla ya utiaji saini mkataba wa usimamiaji wa shughuli za lishe (TAMISEMI) Dodoma

by Jamhuri September 30, 2022

written by Jamhuri

Rais wa Jamhuri ya Muungano wa Tanzania Mhe. Samia Suluhu Hassan akisalimiana na Waziri wa TAMISEMI Mhe. Innocent Bashungwa pamoja na viongozi mbalimbali mara baada ya kuwasili Mtumba kwa ajili ya kushiriki hafla ya uwekaji wa saini Mikataba ya Usimamiaji wa Shughuli za Lishe iliyofanyika kwenye ukumbi wa Halmashauri ya Jiji la Dodoma

Rais wa Jamhuri ya Muungano wa Tanzania Mhe. Samia Suluhu Hassan akizungumza jambo na Waziri wa TAMISEMI Innocent Bashungwa mara baada ya kuzindua mpango wa ugawaji wa magari pamoja na pikipiki yatakayotumika kwenye Usimamiaji wa Shughuli za Lishe katika hafla iliyofanyika kwenye ukumbi wa Halmashauri ya Jiji la Dodoma uliopo Mtumba Mkoani humo.

September 30, 2022 0 comment 7 views

Habari Mpya

Lions yamkabidhi Ridhiwani vifaa tiba vya Mil. 5 /-

by Jamhuri September 30, 2022

written by Jamhuri

Na Omary Mngindo, TimesMajira Online,Ruvu

Taasisi ya Lions Club imemkabidhi vitanda na vifaa tiba Naibu Waziri wa Ardhi, Nyumba na Maendeleo ya Makazi Ridhiwani Kikwete, vyenye thamani ya zaidi ya shilingi milioni 4.9.

Katika hafla fupi iliyofanyika kwenye Zahanati ya Kijiji cha Ruvu Kata ya Vigwaza Halmashauri ya Chalinze, ambapo vifaa hivyo vilikabidhiwa kwa Ridhiwani na Mwenyekiti Mbunge Jimbo Shiraz Jessa.

Akizungumza kwenye hafla hiyo, Jessa amesema kuwa vifaa hivyo walivyokabidhi vimetolewa na Kampuni Refuelling Solutions T ltd.

“Sisi Lions baaada ya kupokea ombi la uhitaji huu tuliwasiliana na Kampuni ya Refuelling Solutions T ltd, ambayo imetufadhili,” alisema Jessa.

Kwa upande wake Muntazir Bharwani amesema kuwa kazi kubwa ya Lions ni kusaidia na kutatua changamoto zinazoikabili jamii, na kwamba walipopata ombi hilo kutoka kwa Diwani Mstaafu Mohsin kwa niaba ya Diwani Gama waliwasiliana na Refuelling waliowapatia vifaa hivyo.

Ridhiwani alisema kuwa taasisi hiyo imesikia kilio cha wanaChalinze na kuongeza zipo taasisi nyingi zimeombwa lakini zimeshindwa kufanya hivyo.

“Maneno mazuri yaliyozungumzwa na Muntazir ya kusema Vigwaza ni nyumbani kwake, kauli ambayo imeleta faraja kwetu sisi tuna usemi unaosema Kunogile ukaee,” alisema Ridhiwani.

Mwenyekiti wa Halmashauri hiyo Hassani Mwinyikondo alisema kuwa Mbunge Ridhiwani ameendelea kuisaidia Chalinze, ambapo fedha kadhaa zimepelekwa kwa ajili ya kuujenga mji wa Chalinze.

Diwani Gama amesema kuwa Mbunge huyo amesaidia kupatikana kwa fedha zilizosaidia miradi kadhaa ikiwemo ya elimu, afya na miundombinu ya barabara.

“Namshukuru sana Mbunge Ridhiwani kwani amekuwa msaada mkubwa katika kata yetu ya Vigwaza, fedha nyingi zimefika kwa ajili ya kiradi mingi,” amesema Gama.

Mkurugenzi Gama ameipongeza Lions kwa msaada huo, ambao unakwenda kuboresha sekta ya afya kijijini hapo na Kata kwa ujumla

September 30, 2022 0 comment 5 views

Makala

Uzazi wa mpango na afya ya uzazi Tanzania

by Jamhuri September 30, 2022

written by Jamhuri

Na Stella Aron, JamhuriMedia

Huduma za kupanga uzazi ni moja ya afua mtambuka zinazopewa kipaumbele hasa katika huduma za kinga za afya.

Huduma hizo za ni muhimu katika kufikia malengo makuu ya afya hasa katika afya ya uzazi na mtoto. Inachangia kwa kiasi kikubwa kupunguza vifo vya uzazi kwa takriban asilimia 44 kupunguza vifo vya watoto.

Huduma hizo ni muhimu katika ukuaji wa uchumi wa kaya na taifa, kuondoa umaskini na kupunguza njaa.

Wakati dunia ikiadhimisha siku ya uzazi wa mpango ambayo huadhimishwa kila Septemba 26 ya kila mwaka dunia,Maranatha John (21), mkazi wa kijiji cha Mpuguzi mkoani Dodoma, anasema kuwa siku hiyo ni muhimu kwa familia kwa kuwa yeye imemsaidia kupanga familia kwa kushirikiana na mumewe.

“Siku ya maadhimisho ya afya ya uzazi kwani huwa ni muhimu kwa kuwa mumewe ndiye aliyeanza kusikia hizi habari za uzazi kwenye redio na akaniambia kumbe hata yeye anastahili kwenda kliniki na kupata elimu elimu hiyo.

“Sikuamini masikio yangu kwani awali alikuwa anikieleza kuwa yeye anataka watoto kumi kwa kuwa kwao wamezaliwa 9 hivyo haitakuwa njema kuzaa watoto pungufu ya hao.

“Niliamua kliniki katika zahanati ya Mpuguzi ambapo niliongea na nesi ndipo akanishauri nini cha kufanya na alinielekeza njia ya uzazi wa mpango kwa kutumia vijiti na nilifanya hivyo kwa siri kwa muda mrefu ili watoto niliwapa wapate nafasi ya kukua na kuwasomesha,’ anasema.

Anasema kuwa awali kabla ya mumewe kutoajua umuhimu wa uzazi wa mpango alikuwa akimueleza kuwa kila mtoto anapofikisha miaka miwili awe ana beba mimba nyingine ili kuhakikisha kuwa idadi ya watoto kumia wanafikia.

Maranatha anasema kuwa hali hiyo ilikuwa ikimpa ugumu kiasi kwamba alilazimika kwenda kwa rafiki yake na kumweleza na ndiye aliyemshauri kwenda kituo cha afya kupata ushauri.

“Bila shoga angu mama Dani naamini hadi sasa ningekuwa na watoto wasiokuwa na afya na ambao tusingeweza kuwalea ipasavyo kwani mbali ya kutumia njia ya uzazi wa mpango sasa hivi nina watoto wanne, wa kwanza yupo darasa tano, wapili darasa la tatu na wa tatu yupo shule ya awali na wanne ndiyo ananyonya ana mwaka na miez miwili,” anasema.

Anasema kuwa siku moja (mwaka jana Septemba) mumewe alitoka shambani ambapo wao ni wakulima wa zabibu akiwa amepumnzika nyumbani huku akiwa anasikiliza mpira ambapo siku hiyo Yanga ilikuwa ikicheza na Mbeya City na baada ya kuisha ndipo kipindi cha afya uzazi kiliendelea.

“Nashangaa baada ya muda aliniita ambapo mimi nilikuwa nje napika na kuniambia kuwa hakujua kama na yeye anatapaswa kwenda kliniki hivyo aliniambia kuwa siku ya kliniki nifuatane naye.

‘Kweli ilipofika Jummane nilikwenda naye klini na kumbuka siku hiyo hata foleni sikutakiwa kukaa kwani nesi alitupa elimu ya afya uzazi na kutakiwa kufuata uzazi wa mpango na alitueleza faida zitokanazo na uzazi hakika mumewe wangu siku hiyo hiyo alifuta kauli ya kutaka nizae watoto 10 akaniambia kuwa sasa atazaa watoto sita tu kwani wanatosha,” anasema.

Anasema kuwa tangu kuwepo kwa mabadiliko hayo hivi sasa wanaishi na mumewe kwa furaha kwani amekuwa mwalimu kwake kwa kumkumbusha kila mara anapotakiwa kwenda kliniki na kuzingatia uzazi wa mpango.

Hata hivyo takwimu za Shirika la Umoja wa Mataifa la Idadi ya Watu (UNFPA), inaeleza kuwa vifo vya uzazi nchini Tanzania viliongezeka hadi vifo 556 kwa kila vizazi hai 100,000 mwaka 2015 kutoka vifo 454 kwa kila vizazi hai 100,000 mwaka 2010.

Elias Kweyamba ni daktari bingwa wa magonjwa ya wanawake na uzazi, anasema asilimia kati ya 16 hadi 19 ya vifo vya uzazi vinatokana na utoaji wa mimba usio salama.

“Uzazi wa mpango husaidia kupunguza vifo vitokanavyo na uzazi kwani asilimia kati ya 16 hadi 19 ya vifo vya uzazi hutokana na utoaji wa mimba usio salama, elimu itasaidia kupunguza changa moto hii,” anasema

Kwa sababu hiyo ipo haja ya Dunia husasani kwa nchi zinazoendelea kupata elimu sahihi ya njia za uzazi salama ili kuepuka mimba zisizotarajiwa ambazo mara nyingi hutolewa kwa njia hatarishi.

Zawadi Joseph (26), mkazi wa Dodoma ambaye ni mama wa watoto 5 anasema kuwa elimu zaidi inahitajika hasa kwenye matumizi ya njia za uzazi wa mpango.

Anasema hivi sasa hata afya yake si nzuri kutokana na kupata watoto mfululizo huku akibainisha kwamba malezi ya watoto kwa kufanya vibarua kwenye mashamba ya watu ni magumu.

“Mimi nimewahi sana kuzaa baada ya kukatisha masomo nikiwa kidato cha kwanza na hii ndiyo imenisababishia hata mwili wangu kutokuwa katika hali njema kama wenzangu ingawa kwa sasa nimeingia kwenye uzazi wa mpango ingawa mumewe wangu hataki hivyo natumia kwa siri kwani sitarajii tena kubeba mimba,” anasema.

Anasema kuwa wanawake wengi hawana uelewa wa elimu uzazi wa mpango na ndio maana wamejikuta wakipata mimba zisizotarajiwa hivyo ni vyema elimu ya uzazi ikawafikia wanawake kwani ndio hupatwa na changamoto nyingi.

“Kweli kuna maudhi madogomdogo baada ya kutumia njia za kupanga uzazi ambapo hali hiyo huwalazimu baadhi ya akina mama kusitisha matumizi ya njia hizo na kuwasababishia kupata watoto wasiowatarajia ama kutoa mimba kwa njia hatarishi,” anasema.

Akizungumzia changamoto za kupata mimba za karibu karibu Theresia Masanja (28), mwanakijiji kutoka Mpunguzi aliyekuwepo kwenye zahanati ya Mpuguzi mkoani Dodoma anasema mimba za mfululizo zilimfanya apoteze watoto wake wawili na kwamba baada ya kupata ushauri wa kitaalam wa njia za kisasa na bora za uzazi wa mpango amezifuata na sasa anaishi kwa furaha.

“Nilipata mimba nikiwa na mtoto wa siku 40 kwa huku kijijini kwatu ni aibu nikatafuta mbinu za kienyeji za kutoa mimba.

“Mtoto alikuwa na nyonya nikaelekezwa dawa nikanywa mimba ilishafikia miezi mitatu kumbe dawa ile niliyokunywa ni sumu kiumbe cha tumboni kilikufa na mimi hali yangu ikawa mbaya nilisafishwa kizazi huku nyumbani mwanangu mdogo aliugua na kwa kuwa hakunyonya hali ilikuwa mbaya akaletwa hospitali lakini haikuwa habati, mwanangu akafariki akiwa na miezi mitano.

“Nilipata elimu na vipimo nikakubaliana na watoa huduma na sasa natumia njia ya kitanzi. Nimebaki na watoto wawili mkubwa ana miaka 12 na mdogo ni huyu wa mwaka mmoja na nusu,” anasema Masanja huku akitabasamu.

Anazitaja njia nyingine za uzazi wa mpango anazozifahamu kuwa ni mipira ya kiume, sindano, dawa, kijiti na kufunga uzazi.

Kaimu Mganga Mkuu wa Mkoa wa Dodoma, Dkt. Mussa Mfaume anasema ofisi yake imefungua milango kwa mashirika binafsi kupeleka elimu ya uzazi wa mpango kwa wanaume ambao ni wadau muhimu kwa mustakabali ya afya ya mwanamke na watoto.

“Licha ya kutoa kipaumbele kwa wanaume wanaokuja kliniki na wake zao kupata huduma kwa haraka bado elimu zaidi inahitajika ili suala la afya ya uzazi liwe jambo la kifamilia,” amesisitiza Dk.Mfaume

Ozia Dominic ni mtoa huduma wa afya ya uzazi na uzazi salama, , anasema wanawake wengi wanajitokeza kupata elimu kuliko wanaume hivyo wanawahamasisha kuwapeleka waume zao.

Hata hivyo tafiti mbalimbali za wataalam wa afya chini ya UNFPA zinaonesha kwamba zaidi ya wanawake na wasichana bilioni 1.8 wako katika kundi la umri wa uzazi lakini wengi wao wanakabiliwa na vikwazo ambavyo ni ukosefu wa taarifa sahihi na huduma bora za kupanga uzazi kutoka kwa watumishi wenye utaalam.

Nchini Tanzania asilimia 32 tu ya wanawake walio katika umri wa uzazi wanatumia njia za kisasa za uzazi wa mpango huku asilimia 22 wakiwa na mahitaji ambayo hayajafikiwa.

Kwa kuzingatia kanuni zilizopo zinazowaweka wasichana kwenye ngono na ndoa za utotoni, asilimia 27 ya wasichana wenye umri kati ya miaka 19 na 15 ni wajawazito au wameanza kuzaa.

Matokeo yake, wanakabiliwa na hatari kubwa za kuharibika kwa mimba, utoaji mimba usio salama, aina nyingine za magonjwa ya uzazi ikiwemo saratani na vifo kutokana na matatizo ya ujauzito na uzazi.

September 30, 2022 0 comment 2 views

Newer Posts

Older Posts