Viongozi wa vyama mbalimbali vya siasa wamewasilia katika Ukumbi wa mikutano wa Ikulu jijini Dar es Salaam kwa ajili ya kuitikia mwito wa Rais wa Jamhuri ya Muungano wa Tanzania Dk.Samia Suluhu Hassan.
Baadhi ya viongozi waliowasili ni pamoja na wenyeviti,makamu wenyeviti na makatibu wakuu na katika mkutano unatarajiwa kujadiliwa masuala mbalimbali ya kisiasa nchini ikiwa ni muelekeo mpya wa Rais Samia katika kuboresha siasa za Tanzania.
Waliowasili ni Mwenyekiti wa Chama Cha Demokrasia na Maendeleo (CHADEMA), Freeman Mbowe, Mwenyekiti wa CUF, Profesa Ibrahimu Lipumba, Mwenyekiti wa UDP John Cheyo, Mwenyekiti wa ADC Hamad Rashid Mohamed, Makamu Mwenyekiti wa ACT Wazalendo Juma Duni Haji,Kiongozi Mkuu wa ACT Wazalendo Zitto Kabwe.
Kabla ya mkutano wa leo kati ya Rais Dk.Samia na viongozi wa vyama vya siasa, tayari kwa nyakati tofauti amekutana na viongozi wa vyama hivyo na kujadiliana masuala mbalimbali huku akiunda tume maalumu ambayo inayoratibu masuala ya kisiasa nchini na miongoni mwa mambo yanayopewa nafasi kubwa kujadiliwa ni kuruhusiwa kwa mikutano ya hadhara kwa vyama vya siasa.
