Habari Mpya

Ripoti ya pili ya ajali ya Ndege ya Precision Air iliyotokea tarehe 6 Novemba ,mwaka 2022 katika Ziwa Victoria, Bukoba, Mkoa wa Kagera na kusababisha vifo vya watu 19 na wengine 24 kuokolewa imeseka kuwa kulikuwa na uzembe wa marubani.

Ndege ya Precision Air iliyokuwa inatoka Dar es Salaam kwenda Bukoba ilikuwa na watu 43 kati yao, 39 abiria, marubani wawili na wahudumu wawili.

Ripoti ya awali ya uchunguzi wa ajali ya ndege ya Shirika la Precision Air, ilitoka mwishoni mwa mwezi Novemba, 2022, na ilibainisha kuwa kulikuwa na ucheleweshwaji katika uokozi kwa jeshi la Wana maji kuchelewa kufika katika eneo la tukio.

Ripoti hiyo imeelezea kuwa marubani wa ndege hawakuwa na tatizo la kiafya, ndege ilikuwa imeandikishwa kihalali, hali ya hewa ya katika uwanja wa Bukoba haikuwa nzuri, hali mbaya ya hewa iliathiri marubani kutekeleza jukumu lao.

Pia ripoti hiyo imeeleza kuwa marubani hawakuwa makini katika kufuata ishara za tahadhari zilizotolewa, ndege iligonga kwanza bawa lake la kushoto wakati ikianguka, pia ilianguka kwa kasi na kugonga sehemu ya mbele kwenye kina cha maji ya ziwa Victoria na vifaa vyote vya kuongozea ndege vilikuwa vinafanya kazi kwa kuzingatia matakwa ya rubani.

Na Mwandishi Wetu

Waziri wa Maliasili na Utalii,Mohamed Mchengerwa (Mb) amesema Wizara yake imejipanga kuitangaza Tanzania duniani kwa kutumia mikakati mbalimbali ikiwa ni pamoja na timu za mpira wa miguu za kimataifa ili kuvuka lengo la idadi ya watalii milioni 5 ifikapo mwaka 2025.

Amesema hayo leo wakati wa kikao cha Kamati ya Kudumu ya Bunge ya Ardhi, Maliasili na Utalii kilichofanyika katika Ukumbi wa Utawala Annex, Bungeni jijini Dodoma.

“Tumejipanga kwenda kuitangaza nchi yetu kimataifa hasa kwenda kwenye maeneo ambayo wenzetu hawajafika mfano kuvitumia vilabu vya mpira wa miguu vya kimataifa ambavyo vina wanachama na mashabiki wengi katika historia ya mpira wa miguu duniani” Mhe. Mchengerwa amesisitiza.

Kufuatia hatua hiyo,Mchengerwa amesema ili kuvuka lengo hilo Wizara inatarajia kufanya mabadiliko ya utendaji kazi kuanzia kwa Wakuu wa Taasisi mpaka kwa watumishi ambapo watendaji watapimwa pia ni kwa namna gani wameondoa migogoro kwenye Hifadhi na wananchi.

“Mabadiliko hayo yatashuka kila idara na kila eneo, ni lazima kila mtumishi abadilike katika utendaji kazi, kila mmoja kwenye idara yake afanye kazi ya kutafuta na kuongeza idadi ya watalii na yeyote atakayetuchelewesha tutamuweka pembeni” amesisitiza Mchengerwa.

Katika hatua nyingine,Mchengerwa amesema Serikali itaendelea kuboresha miundombinu ya barabara katika maeneo ya Hifadhi kwa kujenga barabara ambazo ni rafiki na shughuli za uhifadhi ambazo zitadumu kwa muda mrefu.

Kwa upande wake Naibu Waziri wa Maliasili na Utalii, Mary Masanja (Mb) ameishukuru kamati hiyo na kuahidi kuendelea kutoa ushirikiano na kutekeleza maelekezo yote yaliyotolewa ili kuhakikisha maono ya Rais Mhe. Dkt. Samia Suluhu Hassan yanatimia katika sekta ya utalii.

Mwenyekiti wa Kamati ya Kudumu ya Bunge ya Ardhi, Maliasili na Utalii Timotheo Mnzava amewataka watendaji wa Taasisi zilizo chini ya Wizara ya Maliasili na Utalii kuhakikisha wanasimamia vizuri mifumo ya ukusanyaji wa mapato yatokanayo na utalii.

Naye, Katibu Mkuu wa Wizara hiyo Dkt. Hassan Abbasi amesema wako tayari kuleta mabadiliko makubwa katika Wizara hiyo na ameahidi kuyafanyia kazi maoni yote yaliyotolewa kwenye kamati hiyo.

Kikao hicho kimehudhuriwa na Watendaji na baadhi ya Watumishi kutoka Wizara ya Maliasili na Utalii na Taasisi zake.

Nchi wanachama wa Nchi za Afrika Mashariki zimekubaliana kuja na mkakati wa miaka mitano ya kupunguza taka za kieleketroniki na kuendelea kutoa elimu kwa wananchi wa nchi hizo ya namna bora ya kukabiliana na taka hizo ikiwemo kuteketeza na kuzitupa eneo husika.

Ameyasema hayo leo Machi 22,2023, Katibu Mtendaji wa Taasisi ya Mawasiliano ya Afrika Mashariki (EACO) Dkt Ally Simba wakati wa Ufungaji wa Mkutano uliondaliwa na EACO kwa kushirikiana na Mamlaka ya Mawasiliano Tanzania (TCRA) kwa lengo la kuwakutanisha wadau mbalimbali kutoka nchi saba za Afrika Mashariki kujadiliana kwa pamoja namna ya kukabiliana na taka zinazotokana na vifaa vya kielektroniki.

Dkt Simba amesema mkutano huo wa siku tatu umeweza kufanikisha kuja na maadhimio hayo ambayo pia yatashirikisha wanaozalisha bidhaa za kielektroniki ikiwemo makampuni husika kwa hizo nchi zote ambapo itaandaliwa miongozo husika.

Aidha amewasihi wananchi kutokukaa na taka za eletroniki kwani zimadhara hivyo kuzifikisha sehemu husika.

Kwa upande wake Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Chilo amesema kuwa kama nchi kuna sheria na taratibu ambazo zimeshachukulia na zitakazotumika kuendesha namna bora ya ukusanyaji wa taka za kielektroniki.
Amesema kuwa hatua nyingine ni kuendelea kuweka msisitizo wa namna bora ya kuwaelimisha wanachi wa maeneo yote.

Naye Mkurugenzi wa Masuala ya Kisekta TCRA, Dkt.Emanuel Manasseh amesema kuwa kongamano hilo limekuwa chachu na limekuwa na idadi kubwa ya waliohudhuriwa kupitia njia ya kawaida na ya kimtandao kutoka Nchi wanachama wa nchi za afrika mashariki.

Wakurugenzi Watendaji wa Halmashauri Mkoani Tabora wameagizwa kusimamia kikamilifu mfumo wa Ugavi wa bidhaa za afya ikiwemo ukaguzi wa mara kwa mara katika vituo vya kutolea huduma kwa ajili ya kupunguza changamoto zinazotokana na Usimamizi mbovu.

Kauli hiyo imetolewa leo Machi 22,2023 na Mkuu wa Wilaya ya Tabora Louis Bura akimwakilisha Mkuu wa Mkoa wa Tabora Balozi Dkt Batrida Buriani kwenye Mafunzo ya wawezeshaji wa Mfumo ya ununuzi wa dawa na vifaa tiba iliyofanyika katika ukumbi wa mtemi Isike Mwanakiyungi mkoani hapa.

Alisema kwamba Serikali ya awamu ya sita imekuwa ikitekeleza mikakati mbalimbali ili kuhakikisha upatikanaji wa bidhaa za afya unakuwa asilimia 100 .

“Viongozi wana jukumu kubwa kuvisimamia vituo vya afya ili viweze kukusanya mapato ya kutosha kwa ajili ya ununuzi wa madawa na vifaa tiba ,sambamba na kusimamia mnyororo wa ugavi’’ .

Aidha Mkuu wa Wilaya alisema viongozi wakishatekeleza hayo watu wote watapata huduma za bidhaa za afya katika vituo vyetu vya kutolea huduma bila manung’uniko hasa tunapoelekeza katika utekelezaji wa Bima ya Afya .

Hata hivyo alibainisha kwamba mfumo huo unawezesha upatikanaji wa dawa na vifaa tiba zinazokuwa zimekosekana Bohari ya Dawa (MSD) ,huvyo kuimalisha na kurahisisha upatikanaji wa bidhaa za afya katika vituo vya kutolea huduma nchini na kupunguza hoja za kiukaguzi katika ununuzi wa bidhaa.

Louis Bura alisema anatumaini mara baada ya kumaliza mafunzo hayo watakuwa mabalozi wazuri na wataondoka na uelewa wa pamoja wa utekelezaji wa mwongozo wa mfumo huo ili kuweza kusimamia kikamilifu kwa ajili ya kuleta matokeo sahihi .

Na Jacquiline Mrisho- MAELEZO

Jumla ya wawekezaji wapatao 23 kutoka nchi za Uganda, Kenya, India, Uturuki, China, Sudan, Falme za Kiarabu, Pakistan, Zambia na Tanzania waliotembelea kujionea maendeleo ya ujenzi wa Kongani ya Kisasa ya Viwanda iliyopo katika eneo la Mlandizi, Kibaha mkoani Pwani wameonesha nia ya kuwekeza katika eneo hilo.

Mkurugenzi Mtendaji wa Kampuni ya Afriq Engineering and Construction anayehusika na usanifu na ujenzi wa miundombinu wezeshi katika kongani hiyo, Mhandisi Charles Bilinga amesema kuwa mradi huo unakusudia kutumia jumla ya Dola za Marekani milioni 51 sawa na takriban Shilingi bilioni 122.4 katika kipindi cha miaka mitano.

Kongani hiyo inakadiriwa kuwa na jumla ya viwanda 203 vyenye uwekezaji wa Dola za Marekani bilioni 1.326 sawa na Shilingi trilioni 3.182 ambapo kwa sehemu kubwa fedha hiyo inatarajiwa kutoka nje ya nchi na hivyo kuchochea ukuaji wa uchumi na viwanda.

“Kati ya wawekezaji 23 walioonesha nia ya kuwekeza, jumla ya wawekezaji watatu wako tayari kuanza ujenzi wa viwanda ambapo mmoja wa wawekezaji hao ni kutoka nchini Uturuki Tanturk Tanzania Power Company Limited ambae anatarajia kujenga kiwanda cha majenereta aina ya Perkins kwa ajili ya kuuza katika soko la Afrika Mashariki na Nchi za Kusini mwa Afrika.” amesema Bilinga.

Ameongeza kuwa, ujenzi huo unatarajiwa kuanza mwezi Juni, 2023 na utagharimu takriban Shilingi bilioni 24 na unatarajiwa kutoa ajira za moja kwa moja 200. Aidha, viwanda vingine vilivyothibitisha kuanza ujenzi ni kampuni kutoka nchini Uturuki ambayo itajenga kiwanda cha chuma kitakachogharimu Shilingi bilioni 36 na kutoa ajira za moja kwa moja 300 na kampuni nyingine ya Uturuki itajenga kiwanda cha mabati kitakachogharimu Shilingi bilioni 120 na kutoa ajira za moja kwa moja 300.

Kwa upande wake Msimamizi wa Mradi wa ujenzi wa Kongani hiyo kutoka kampuni ya Kamaka, Nelson Mollel amemshukuru Rais, Dkt. Samia Suluhu Hassan kwa kuwezesha nchi kufunguka katika eneo la uwekezaji ambapo kasi hiyo ya ujenzi katika kongani hiyo umefanyika katika kipindi cha miaka miwili ya uongozi wake na wanaendelea kuona matunda mema ya uwekezaji huo.

“Mradi huu unatekelezwa kwa awamu tatu, awamu ya kwanza mradi umeshafikia asilimia 80, tayari tumeshazungusha uzio wa eneo lote la uwekezaji takriban KM 9, kuanza kwa ujenzi wa barabara za ndani KM 16.16, ujenzi wa kituo cha Polisi, jengo la Zimamoto na Uokoaji na hosteli za makazi ya Maafisa, jengo la utawala pamoja na Zahanati, uwekezaji huu utakapokamilika utaongeza Pato la Taifa na fedha za kigeni kwa takribani zaidi ya Shilingi trilioni 3.12.” Alisema Mollel

Kwa upande wake mnufaika wa ajira katika ujenzi wa Kongani hiyo, Elias Salmin ambaye ni fundi ujenzi amesema kuwa kutokana na ajira aliyoipata, ameweza kujitegemea na kuendesha maisha yake tofauti na mwanzo hali ilivyokuwa kwani mtaani ajira za kila siku zimekuwa ngumu kupatikana.

Mradi huu ni wa Mwekezaji wa Kitanzania ajulikanae kama Kamaka Company Limited ambaye amewekeza katika ujenzi wa miundombinu wezeshi katika kongani hiyo ili kurahisisha uwekezaji wa viwanda kwa watu wanaohitaji.

Na Tatu Saad, JAMHURI MEDIA

Mshtakiwa Abubakar Hassan (66) anayekabiliwa na mashitaka manne ikiwemo la kujipatia fedha kwa njia ya udanganyifu pamoja na kughushi,  amesomewa hoja ya awali katika mahakama ya hakimu mkazi kisutu.

Mshitakiwa huyo amesomewa hoja za awali leo Machi 22, 2023 na wakili wa serikali  Grace Mwanga mbele ya Hakimu Mkazi Mfawidhi Ferdnadri Kiwonde.

Mwanga amedai kuwa Mshitakiwa Abubakar Hassan (66), Muislam, mkazi wa Nyangao na mkulima anakabiliwa na shitaka la kughushi,kujifanya kama mtu mwingine na kujipatia pesa kwa njia ya udanganyifu.

Mwanga amedai kuwa Machi, mwaka 2014 mshitakiwa akiwa na watu wengine ambao hawapo mahakamani walijitambulisha kwa mtu anayefahamika kama Rajesh Agarway kwamba wanauza kiwanja kilichopo moshi mjini.

Amedai kuwa Rajesh alikubali kununua eneo hilo baada ya mshitakiwa na mtu mwingine ambaye hayupo mahakamani kujitambulisha kwake kama mume na mke Ebenezer mwasha.

Amedai kuwa  Rajesh alikubali kwa  kuingia  mkataba wenye jina la Ebenezer Mwasha uliosainiwa  Machi Mwaka 2014 na mshitakiwa pamoja na Rajesh Agarway. mshitakiwa alipokea cheki ya malipo ya sh. milioni 100 kama sehemu ya malipo na baadae Rajesh alilipa sh milioni 5,000,000.

Amedai kuwa wakati biashara hiyo inaendelea mshitakiwa akiwa eneo la azikiwe katika jengo la  Benjamini Mkapa aliwasilisha hati feki ya kiwanja, kadi ya kupigia kura iliyoghushiwa pia alisema yeye ni mume wa Joyce Sengwaji.

Mwanga amedai kuwa wakiwa eneo hilohilo Rajesh aligundua kama hati hizo ni feki na zimeghushiwa na kutoa taarifa katika kituo cha polisi na mshitakiwa alikamatwa na kufikishwa mahakamani hapa Januari , mwaka huu 2023 kwaajili ya kuhojiwa.

Baada ya mshitakiwa kusomewa hoja hizo alikubali taarifa zake binafsi na kukataa mashitaka yanayomkabili.

Mwanga ameomba tarehe nyingine kwaajili ya kuanza kusikilizwa na alidai kuwa wanatarajia kuwa na mashahidi 9 pamoja na vielelezo 4.

Kesi hiyo imehairishwa  hadi Aprili 6, mwaka huu kwaajili ya kuanza usikilizwaji.

Kwa mujibu wa hati ya mashitaka inadaiwa kuwa katika shitaka la kwanza, mnamo Machi 1, mwaka 2014 mtaa wa  Azikiwe Ilala Dar es Salaam katika eneo la jengo la  Benjamini Mkapa mshitakiwa akiwa na nia ovu  alijipatia sh. milioni 105 kwa njia ya udanganyifu kutoka kwa Rajesh Agarway akijifanya kuwa anamuuzi kiwanja kilichopo moshi mjini wakati akijua sio kweli.

Katika shitaka la pili inadaiwa kuwa kati ya tarehe na mahali pasipojulikana mshitakiwa alighushi hati na kujipatia hati ya kiwanja kilichopo eneo la Moshi mjini kuonesha kuwa hati hiyo imetolewa na Wizara ya Ardhi, Nyumba na Maendeleo ya Mji wakati akijua sio kweli.

katika shitaka la tatu inadaiwa kuwa  kati ya  eneo na tarehe isiyofahamika mshitakiwa alitengeneza kadi ya kupigia kura ikionyesha kama halili  imetolewa na tume ya taifa ya kupigia yenye jina la Ebenezer Shilekiromuu Mwasha wakati akijua sio kweli.

Katika shitaka nne inadaiwa kuwa Machi 1, mwaka 2014 mshitakiwa akiwa katika mtaa wa Azikiwe eneo la Jengo la Benjamini Mkapa,  Ilala Dar es Salaam kwa nia ovu  alijifanya kuwa  mtu mingine kama Ebenezer Shilekiromuu Mwasha kwa lengo la kujipatia fedha.