Makamu wa Rais Emmanuel Nchimbi ametangaza kujiuzulu na kustaafu siasa, huku taarifa za ndani zilizopatikana zikionyesha kuwa uamuzi huo umefuatia mahojiano yake mbele ya Kamati ya Maadili ya CCM.
Kwa mujibu wa Ibara ya 50 ya Katiba, nafasi ya Makamu wa Rais inapokuwa wazi, Rais anatakiwa kumteua mtu mwingine haraka iwezekanavyo na ndani ya siku zisizozidi 14 tangu aliyekuwa madarakani aondoke.
Uteuzi huo lazima uthibitishwe na Bunge kwa kura za wengi kabla ya Makamu mpya kuapishwa na kuanza kazi. Katiba pia inataka Makamu wa Rais atoke upande tofauti wa Muungano na ule anaotoka Rais. Kwa kuwa Rais Samia anatoka Zanzibar, atakayeteuliwa anapaswa kutoka Tanzania Bara.
Nchimbi ataendelea kuwa Makamu wa Rais hadi Septemba 4, tarehe aliyotaja kuwa kujiuzulu kwake kutaanza kutumika. Macho sasa yanaelekezwa kwa Rais Samia na CCM—kuhusu mrithi wake na maana halisi ya “mabadiliko” yaliyomfanya Nchimbi kuondoka.
