Na Happy Lazaro, JamhuriMedia, Arusha
Jamii imetakiwa kuhakikisha inamlinda,kumtunza na kumthamini mnyama punda kwani amesahaulika kwenye jamii wakati ana mchango mkubwa sana .
Hayo yamesemwa jijini Arusha na Afisa maendeleo ya jamii wa shirika la (ASPA) ,Albert Mbwambo wakati akizungumza kwenye semina ya waandishi wa habari iliyoandaliwa na shirika hilo.
Mbwambo amesema kuwa shirika hilo linafanya kazi ya kuangalia na kutetea ustawi wa wanyama wanaofugwa
hususani wanyama kazi kwani wanyama kazi ustawi wao ukilinganisha na wanyama wengine wanaoliwa nyama inakuwa ni tofauti kidogo.
Amesema kuwa, lengo la semina hiyo kwa wanahabari kutoka jijini la Arusha ni kushirikishana namna gani huyu mnyama anatunzwa na kuangalia namna anavyoishi katika jamii na namna ambavyo mnyama huyo katika jamii hapewi kipaumbele .
“leo tumeamua tukae na nyie na tuone namna gani tufanye kwani myama huyu ni muhimu sana katika jamii ambayo tunaishi hasa kwenye jamiii ya wafugaji .”amesema .
Amefafanua kuwa,kwa kushirikiana na wafadhili ambao ni shirika la BROOKE East Afrika wanatekeleza mradi ambao unaangalia ustawi wa wanyama.
Amesema kuwa wanyama hawa wamepungua sana ambapo kwa mwezi taribani punda 150 wanavushwa kutoka nchi yetu kwenda nje ya Tanzania ambapo kwa hapa kwetu nchini viwanda vinahusika na uzalishaji wa myama huo villisitishwa kutoka na kwamba idadi ilikuwa inapungua sana.
“Uhitaji wa huyu mnyama kwa maana ya punda na bidhaa zake umekuwa mkubwa sana kwenye nchi za jirani hususani Kenya ambapo wao bado wanaendelea na hilo zoezi la uchinjaji wa punda kwa kasi.”amesema Mbwambo.
Amesema kuwa, zoezi hili kwa nchi ya Kenya linafanyika lakini kwa siri sio kwa uhalali bali wanatumia njia zisizo za halali ambapo asilimia kubwa ya punda wanaochinjwa Kenya wanatokea Tanzania hivyo wanavuka kwenye mipaka yetu kwani mpaka wetu ni mrefu sana na ni ngumu sana kudhibiti hao wanyama wasitoke lakini bado wanatoka na wanachinjwa sana .
“Hitaji hili ni kwa ajili ya ya wenzetu ambao walishaanza hii biashara mapema ambao ni wachina kwani wanachotaka ni hiyo ngozi kwani ndani ya ngozi kuna bidhaa mbalimbali ambazo wao wanatengeneza ambapo uhitaji mkubwa upo kwa ajili.ya wachina .”amesema Mbwambo.
Amesema kuwa, tumekuwa.bega kwa bega sana na serikali tangu tulipoona biashara hii inaleta madhara kwani idadi hiyo kubwa inayoendelea kupotea na jamii ya kifugaji ina uhitaji mkubwa sana ya myama punda kwa ajili ya kusaidia shughulia mbalimbali za nyumbani sasa majukumu hayo ambayo punda alikuwa akiyafanya yanashuka kwa wakina mama pamoja na watoto na watoto wengine wanashindwa kwenda shule pia kwani inabidi wabaki nyumbani waweze kufanya kazi .
Aidha amewataka wanahabari kuendelea kusaidia kuhabarisha jamii kwamba athari ni kubwa kiasi gani hasa wale ambao wamepoteza punda wao na waelimishe umma aone hili ni tatizo ili watu waweze kuchukua majukumu kuhakikisha punda wetu wanahifadhiwa.
Naye Afisa elimu ustawi wa wanyama kutoka shirika hilo ,Diana Msemo amesema kuwa ,punda wanaendelea kupotea kutokana na biashara ya punda inayosafirishwa nje ya nchi kwa kutumia njia za panya .
“Tunatamani sana kuendelea kukuza ustawi wa punda Tanzania kwani punda ni myama kazi na takwimu zinaonyesha kuwa punda ni myama wa pili Tanzania anayeongoza kukuza pato kuanzia la mfugaji mpaka la Taifa kwa ujumla kutokana na kazi anazofanya na sio kuwa chakula wala kitoweo”amesema Msemo.
Amesema kuwa, kazi anayoifanya tu inasaidia katika jamii za wafugaji kuanzia kumwezesha mtoto kwenda shule kwani watoto wamekuwa watendaji wakuu wa kazi majumbani hasa kwa jamii ya wafugaji wakubwa na wakulima hivyo wamesaidia watoto kupata haki ya elimu kwani punda anabaki katika familia na kusaidia mama na watendaji wengine nyumbani kuendelea na shughuli.
